1. اس فورم پر جواب بھیجنے کے لیے آپ کا صارف بننا ضروری ہے۔ اگر آپ ہماری اردو کے صارف ہیں تو لاگ ان کریں۔

حرفِ نسبت (نعتیہ نظم)

'نعتِ سرکارِ دو عالم صلی اللہ علیہ وسلم' میں موضوعات آغاز کردہ از intelligent086, ‏19 مارچ 2021۔

  1. intelligent086
    آف لائن

    intelligent086 ممبر

    شمولیت:
    ‏28 اپریل 2013
    پیغامات:
    7,047
    موصول پسندیدگیاں:
    795
    ملک کا جھنڈا:
    حرفِ نسبت (نعتیہ نظم)
    شاعر: شبنم رومانی


    ان کی دہلیز چھوکر
    جو پتھر تھا پل بھر میں پارس ہوا
    ان کے ہاتھوں سے جو ہاتھ بھی مَس ہوا
    چاند تاروں نے اس ہاتھ پر بیعتِ شوق کی
    اس زمیں پر وہی ہاتھ سایہ رہا
    یہ فلک بھی اسی کا کنایہ رہا

    جس نے دیکھا انہیں
    اس کی بینائی کے واہمے دُھل گئے
    اس پہ آفاق کے سب ورق کھل گئے

    جس نے مانا انہیں
    اپنے پیکر میں شہرِ یقیں ہوگیا

    جس نے جانا انہیں
    جہل بھی اس کا علم آفریں ہو گیا

    جن نے ڈھونڈا انہیں
    وہ سلیماں قدم
    عالمِ راز کا سَیربیں ہو گیا

    جس نے پایا انہیں
    وہ فقیرِ حَرم
    معرفت کے حرا میں مکیں ہو گیا

    جس نے سوچا انہیں
    وہ خدا کی قسم
    ماورائے زمان و زمیں ہو گیا

    جس نے چاہا انہیں
    اس کی چاہت بقا کی نِگارش ہوئی
    اس پہ دن رات پھولوں کی بارش ہوئی

    جس نے چاہا انہیں
    اس کو چاہا گیا
    اس کی دہلیز تک ہر دوراہا گیا

    صلی اللہ علیہ وسلم

     

اس صفحے کو مشتہر کریں