الہی طاقت ایماں پھر ہم کو عطا کر دے

الہی طاقت ایمان پھر ہم کو عطا کر دے
خداوندا ہمیں رازِ خودی سے آشنا کر دے

کبھی بادِ مخالف سے نہ دل برداشتہ ہوں ہم
جو ٹکرا جائے طوفانوں سے وہ ہمت عطا کر دے

گھری ہے کشتیِ اسلام طوفانوں کی گردش میں
ہمیں پھر ناخدا فاروق اعظم رضی اللہ تعالٰی عنہہ سا عطا کر دے

عطا کر حضرت صدیق رضی اللہ تعالٰی عنہہ سا قلب و جگر ہم کو
خدایا ہم کو تو عثمان رضی اللہ تعالٰی عنہہ جیسا پارسا کر دے

بہار آئے الہی گلشن اسلام میں ایسی
گل و بلبل کو جو یا رب خزاں نا آشنا کر دے

------ مولانا محمد داود راز دہلوی ------