”گو نواز گو“ کا نعرہ زبان کی پھسلن کے باعث لگایا تھا : پیر صابر شاہ

پشاور(مانیٹرنگ ڈیسک ) حکمران جماعت مسلم لیگ (ن) خیبر پختونخواہ کے صوبائی صدر پیر صابر شاہ کا کہنا ہے کہ انہوں نے زبان کی پھسلن کے باعث ”گو نواز گو“کا نعرہ لگادیا تھا ۔
پشاور پریس کلب میں میڈیا سے گفتگو کرتے ہوئے پیر صابر شاہ نے کہا کہ عمران خان نے کہا تھا کہ (ن) لیگ زیادہ لوگ جمع کردے تو سیاست چھوڑ دوں گا، کل ( ن) لیگ کے کنونشن میں پارٹی عہدیداروں سے زیادہ تعداد ورکروں کی تھی لہٰذا اب عمران خان اپنا وعدہ پورا کریں۔
انہوں نے خیبر پخونخوا حکومت کو شدید تنقید کا نشانہ بناتے ہوئے کہا کہ عمران خان نے خیبر پختونخواہ کو اپنی طرز حکمرانی سے مایوس کیا ہے،صوبے کی حکومت ایک ماہ سے دھرنے میں بیٹھی ہے اور یہاں لوگوں کو بھتّے کی پرچیاں مل رہی ہیں۔
اپنی غلطی کو تسلیم کرتے ہوئے ان کا کہنا تھا کہ”گو نواز گو“ کے نعرے دراصل نادانستہ طور پر ان کی زبان سے پھسل گئے تھے، عمران خان سے بھی ایسی غلطیاں ہوئی ہیں، عمران خان اور قادری کے دھرنوں کو خیبر پختونخوا کے غیرت مند پختونوں نے مسترد کر دیا ہے۔
یاد رہے کہ گزشتہ روز پشاور میں مسلم لیگ (ن) کے زیر اہتمام استحکام پاکستان کنونشن میں جوش خطابت میں پارٹی کے صوبائی صدر پیر صابر شاہ نے ’گو نواز گو‘ کے نعرے لگا دیے تھے۔
http://dailypakistan.com.pk/peshawar/20-Sep-2014/145352

 

http://urdu.dawn.com/news/1009831//cvc

 

ہاہا۔۔۔۔۔۔۔۔کوئی حال نہیں

 

دھرنوں کی وجہ سے وزیر اعظم سمیت بہت سوں کے ہوش اُڑ گے ہیں