“ج“ سے شروع ہونے والے اشعار

اس لڑی میں صرف “ج“ سے شروع ہونے والے اشعار شیئر کرنے ہیں۔


جو اک لفظ کی خوشبو نہ رکھ سکا محفوظ
میں اس کے ہاتھ میں ساری کتاب کیا دیتا

 

جگر ہو جائیگا چھلنی یہ آنکھیں خون روئیں گی
وصی بے فیض لوگوں سے نبھا کر کچھ نہیں ملتا

 

جہاں پھولوں کو کھلنا تھا وہیں کھلتے تو اچھا تھا
تمہی کو ہم نے چاہا تھا تمہی ملتے تو اچھا تھا

 

جانتا ہوں ایک ایسے شخص کو میں بھی منیر
غم سے پتھر ہو گیا لیکن کبھی رویا نہیں

 

جب سے آنکھیں لگی ہیں ہماری نیند نہیں آتی ہے رات
تکتے راہ رہے ہیں دن کو آنکھوں میں جاتی ہے رات

میر

 

جب تیری یاد میں مصرعہ کوئی لکھنے بیٹھا
میں نے کاغذ پہ بھی چھالوں کا گلستاں دیکھا
تو نے دیکھا ہے منڈیروں پہ چراغوں کو فقط
میں نے جلتا ہوا ہر دور میں انساں دیکھا

 

جتنا خورشید تپے اتنی ہی بارش ہو سوا
ہووے کیونکر تپش عشق نہ رحمت کی دلیل
ذوق

 

جلا کے دل کا لہو ان کو تازگی دی ہے
جگر کا داغ نہیں ہیں یہ انتظار کے پھول

 

جوبیٹھیں آنکھیں تو پلکیں بھی کوئی پل کی ہیں
رہی ہیں بس یہی آنکھوں کی سوئیاں باقی
مہتاب داغ

 

جب ہم نشیں نے اس کی باتیں سنائیاں ہیں
بے اختیار اس دم آنکھیں بھرآئیاں ہیں
جسونت سنگھ

 

جھپکی ہیں آنکھیں اور جھکی آتی ہیں بہت
نزدیک شاہد آیا ہے ہنگام خواب اب
میر

 

​

 

جی لینے دو شیخ کو ،پی لینے دو شیخ کو
ٹھنڈا پڑا ہوا تھا جنت کی ٹوہ میں

 

جانے کا نہیں شور سخن کا مرے ہرگز
تا حشر جہاں میں مرا دیوان رہے گا

 

جوش پر تھیں صفت ابر بہاری آنکھیں
بہہ گئیں آنسووں کے ساتھ ہماری آنکھیں
تعشق