’شراب پر ٹیکس سے آمدن حرام؟؟؟؟؟؟‘

’شراب پر ٹیکس سے آمدن حرام؟؟؟؟؟؟

http://www.bbc.co.uk/urdu/pakistan/stor ... _rza.shtml
پاکستان کے سابق وفاقی وزیر جے سالک نے ملک کی بڑی اسلامی عدالت میں دائر کردہ ایک درخواست میں استدعا کی ہے کہ شراب پر عائد کردہ ٹیکسز سے ہونے والی آمدن کو حرام قرار دیا جائے۔
جے سالک نے بدھ کے روز بی بی سی سے بات کرتے ہوئے کہا کہ پاکستان ایک اسلامی ملک ہے اور یہاں ہر قانون اسلام کے مطابق بنتا ہے۔

ان کے مطابق جب شراب اور نشہ آور اشیاء اسلام کے مطابق حرام ہیں تو پھر اس کی فروخت پر عائد ٹیکس سے ہونے والی آمدن کیسے حلال ہوسکتی ہے؟

انہوں نے شرعی عدالت میں دائر کردہ درخواست کی کاپی بھی فیکس کے ذریعے بھیجی ہے اور بتایا ہے کہ اپنے وکیل اجمل خٹک کی معرفت انہوں نے شرعی عدالت سے استدعا کی ہے کہ اس معاملے کا فوری نوٹس لیا جائے اور شراب پر عائد ٹیکس سے ہونے والی آمدن کو حرام قرار دیا جائے۔

انہوں نے اپنی درخواست میں کہا ہے کہ عدالت حکومت کو پابند بنائے کہ شراب پر عائد ٹیکس کی رقم شراب کو حلال سمجھنے والی اقلیتی برادریوں پر خرچ کرے گی۔

جے سالک کا کہنا ہے کہ اسلام اور عیسائیت دونوں میں شراب حرام ہے لیکن حکومت عیسائیوں کو شراب کے پرمٹ جاری کرتی ہے تاکہ وہ اُس مضر صحت اور غیر مذہبی چیز کا استعمال کریں ۔ ان کے مطابق ’حال ہی میں آنے والا زلزلہ بھی ہمارے ایسے ہی گناہوں کا نتیجہ ہے۔‘

انہوں نے عدالت سے استدعا کی ہے کہ شراب سے ہونے والی آمدن کو بجٹ میں شامل نہ کیا جائے کیونکہ پورا بجٹ حرام ہوجاتا ہے۔

 

Re: ’شراب پر ٹیکس سے آمدن حرام؟؟؟؟

دِل کو لگتی ہے بات سالک کی

 

اس پر تو ہماری اسلامی نظریاتی کونسل کو غور کرنا چاہئے