یہ کیسی جہاں کی فضا ہو گئی ہے---برائے اصلاح

شکیل احمد خان
@مُحمد سعید سعدی
ــــــــــ
یہ کیسی جہاں کی فضا ہو گئی ہے
زمانے سے رخصت وفا ہو گئی ہے
-------------
عبادت میں جب سے لگا دل ہے میرا
مری دور ساری بلا ہو گئی ہے
--------
نہیں خوف دل میں اگر مر بھی جاؤں
نمازِ محّبت ادا ہو گئی ہے
--------
ہوا جب سے ناراض محبوب مجھ سے
مری زندگی بے مزا ہو گئی ہے
---------
وہ روٹھا ہوا ہے کئی دن سے مجھ سے
نہیں کچھ خبر کیا خطا ہو گئی ہے
-----------
مری زندگی تھی محبّت سے خالی
محبّت سے اب آشنا ہو گئی ہے
------------
جسے میں نے چاہا مجھے مل گیا ہے
مری جان اس پر فدا ہو گئی ہے
-----------
محبّت خدا کی سمائی ہے دل میں
مری روح کی یہ غذا ہو گئی ہے
----------
خدا یاد آیا تجھے جب سے ارشد
ترے دل سے دنیا جدا ہو گئی ہے