یہ کون سوئے عرش چلے ہیں کہ قدسی خوشیاں منا رہے ہیں

السلام علیکم ۔ بحمد اللہ تعالی اور بفضلِ رسول اکرم :saw: معراج کا مبارک مہینہ شروع ہوا چند اشعار بطور ہدیہ عقیدت بمناسبتِ معراج النبی :saw: ترتیب پاگئے۔
اہلِ ایمان و محبت کے پیش خدمت ہیں۔

اللھم صلِ علی سیدنا ومولانا محمد وعلی آلہ وصحبہ وبارک وسلم ​

یہ کون سوئے عرش چلے ہیں کہ قدسی خوشیاں منا رہے ہیں
ہُو ا دو با لا جما لِ سِد ر ہ ۔۔ بہشت کو و جد آ رہے ہیں

تھا حکم جبریل کو ذرا جا !۔ قدومِ احمد کا لے کے بوسہ
سلام کہنا ، پیام دینا ۔۔ کہ حق تعالیٰ بلا رہے ہیں​

ا حد کو شوقِ لِقائے احمد ۔ خَلَق بھی دیکھے مقا مِ حا مد
کہ وقت کوآج کرکےجامد،وہ جاں زمانے کی جارہے ہیں

لگا کے مازاغ والا کجلا ۔ ہے مُکھ پہ والشمس والا بٹنہ
جبیں پہ سبحان والا سہرہ ۔ وہ حُسنِ قرآں بنا رہے ہیں​

بارات معراج کی چلی ہے ۔ سواری بُرّاق کی بنی ہے
لگام جبریل کو مِلی ہے ۔ زمیں، فلک جگمگا رہے ہیں

یوں رازِ تلک الرسل کھلے ہیں ۔کہ لاکھوں اقصیٰ میں‌آگئے ہیں
نبی رُسل صف بہ صف کھڑے ہیں۔ امام تشریف لا رہے ہیں​

فلک فلک پہ ہے خیر مقدم ۔ کہیں براھیم و نوح و آدم
سلام کی ہے صدا دما دم ۔ ترانے بجتے ہی جارہے ہیں

فرشتے سارے دُردو پڑھتے ، ہیں حوروغلماں بھی رقص کرتے
نصیب جاگے ہیں قُدسیوں کے ۔ کہ قاسمِ نور آ رہے ہیں​

مقامِ سِدرہ ، سواری آئی ۔ تو ٹھہرے جبریل۔دی دہائی
یہاں سے آگے نہیں رسائی ۔ میرے تو پر جلتے جارہے ہیں

یہاں دکھائی وہ شانِ نوری ، جو اُن جہانوں میں تھی ضروری
مٹا کے سب لامکاں کی دوری ، درِ عرش کھٹکھٹا رہے ہیں​

صدائے صلِّ وسلم آئی ۔ حضور نے یوں‌تدلیّٰ پائی
نہ قاب قوسین حد بنائی ۔ وہ قربِ اوادنیٰ‌پارہے ہیں

ہوئی توجہ جو اِتحادی ۔ تو شانِ جمع الجمع عطا کی
صفاتِ ربی بر ذاتِ عبدی ۔ رنگوں‌پہ رنگ چڑھتے جارہے ہیں​

کرم ہے امت پہ یہ نبی کا ۔ دیا ہے معراج سے بھی حصہ
رضا غلاموں کو عرشی جلوے ۔ نمازوں میں وہ دِکھا رہے ہیں

محمد نعیم رضا ۔
5 رجب 1433۔25 مئی 2012۔ بروز جمعہ
​

گر قبول افتد زہے عزّ وشرف​

اللھم صلِ علی سیدنا ومولانا محمد وعلی آلہ وصحبہ وبارک وسلم ​

 

جواب: یہ کون سوئے عرش چلے ہیں کہ قدسی خوشیاں منا رہے ہیں

ماشاءاللہ۔۔۔سبحان اللہ۔۔جزاک اللہ

 

جواب: یہ کون سوئے عرش چلے ہیں کہ قدسی خوشیاں منا رہے ہیں

نعیم بھائی

محسن انسانیت کی شخصیت کو بیان کرنے کیلئے عمر بھی کافی نہیں۔ بہرحال آپ کی کاوش قابل تحسین ہے۔

مجھے اپنی کہی ہوئی نعت ملی تو یہاں پوسٹ کروں گا۔

جزاک اللہ

والسلام علیکم

 

جواب: یہ کون سوئے عرش چلے ہیں کہ قدسی خوشیاں منا رہے ہیں

بہت خوب .
اللہ تعالیٰ آپکو جزا عطا کرے . اور مزید محبت عطا فرما؁ے.آمیں

 

جواب: یہ کون سوئے عرش چلے ہیں کہ قدسی خوشیاں منا رہے ہیں

سبحان اللہ ماشاء اللہ کیا بات ہے کہ ۔
ا حد کو شوقِ لِقائے احمد ۔ خَلَق بھی دیکھے مقا مِ حا مد
کہ وقت کوآج کرکےجامد،وہ جاں زمانے کی جارہے ہیں
سبحان اللہ

 

جواب: یہ کون سوئے عرش چلے ہیں کہ قدسی خوشیاں منا رہے ہیں

السلام علیکم!
ا حد کو شوقِ لِقائے احمد ۔ خَلَق بھی دیکھے مقا مِ حا مد
کہ وقت کوآج کرکےجامد،وہ جاں زمانے کی جارہے ہیں
ماشاء اللہ ۔بہت خوب نعیم صاحب ۔
بہت عمدہ وشستہ خیال ہے ۔بہت خوب ۔آپ کے کلام سے محبت کی وادیوں میں بہار آگئی۔
اللھم زد فزد

 

جواب: یہ کون سوئے عرش چلے ہیں کہ قدسی خوشیاں منا رہے ہیں

السلام علیکم!
ضرور غوری صاحب انتظار رہے گا۔آپ نے بجا فرمایا کہ توصیف ثناء محمد کے لیے ایک عمر تو ہزاروں لاکھوں عمریں بھی کچھ اہمیت نہیں رکھتیں۔مگر
توفیق دے خُدا تو یہ نعمت بھی کم نہیں

 

جواب: یہ کون سوئے عرش چلے ہیں کہ قدسی خوشیاں منا رہے ہیں

السلام علیکم۔ آپ سب بہن بھائیوں کا بہت شکریہ ۔ جزاکم اللہ خیرا
گذشتہ دنوں‌میں‌اسی نعت کے مزید کئی اشعار ترتیب پانے کی سعادت مل گئی ۔ اب کل 23 اشعار ہوگئے۔ جو کہ آقائے کریم صلی اللہ علیہ وسلم کے بعد از بعثت دور کے 23 برس کے ہندسے کی مناسبت رکھتے ہیں۔
وہ بقیہ اشعار بھی جلد ہی یہاں پیش خدمت کروں گا۔ انشاءاللہ

 

جواب: یہ کون سوئے عرش چلے ہیں کہ قدسی خوشیاں منا رہے ہیں

السلام علیکم ۔ مزید نئے اشعار کے ساتھ معراج شریف کی نعت پیش خدمت ہے۔

اللھم صلِ علی سیدنا ومولانا محمد وعلی آلہ وصحبہ وبارک وسلم ​

یہ کون سوئے عرش چلے ہیں کہ قدسی خوشیاں منا رہے ہیں
ہُو ا دو با لا جما لِ سِد ر ہ ، بہشت کو و جد آ رہے ہیں

ا حد کو شوقِ لِقائے احمد ، خَلَق بھی دیکھے مقا مِ حا مد
کہ وقت کوآج کرکےجامد،وہ جاں زمانے کی جارہے ہیں​

خدا نے سبحان کہہ کے ایسا ، زباں پہ ناقد کی قفل ڈالا
سفر یہ کب ہے نبی کا دعویٰ ، یہ سیر خود ہم کرا رہے ہیں

تھا حکم جبریل کو ذرا جا ، قدومِ احمد کا لینا بوسہ
سلام کہنا ، پیام دینا کہ حق تعالیٰ بلا رہے ہیں​

لگا کے مازاغ والا کجلا ، ہے مُکھ پہ والشمس والا بٹنہ
جبیں پہ سبحان والا سہرہ ، جناں کا دُولہاسجا رہے ہیں

بارات معراج کی چلی ہے ، سواری بُرّاق کی بنی ہے
لگام جبریل کو مِلی ہے جبھی تو اِتراتے جا رہے ہیں​

خدا کو معراج ایسی بہائی ، رُودادِ اَسرا قرآں بنائی
جبھی تو وَ النّجم قسم کھائی ، اِذَا ھَویٰ تک سنا رہے ہیں

یوں رازِ تلک الرسل کھلے ہیں ،کہ لاکھوں اقصیٰ میں‌آگئے ہیں
نبی رُسل صف بہ صف کھڑے ہیں امام تشریف لا رہے ہیں​

فلک فلک پہ ہے خیر مقدم ، کہیں براھیم و نوح و آدم
سلام کی ہے صدا دما دم ، ترانے بجتے ہی جارہے ہیں

فرشتے سارے دُردو پڑھتے ، ہیں حوروغلمان رقص کرتے
نصیب جاگے ہیں قُدسیوں کے ، کہ قاسمِ نور آ رہے ہیں​

رہا ہے جنت میں فیض جاری، عطا کیے حوروں کوصحابی
جُو اُن کی ملکہ کی آئی باری ، کنیزِ حبشی بنا رہے ہیں

مقامِ سِدرہ ، سواری آئی، تو ٹھہرے جبریل ،دی دہائی
یہاں سے آگے نہیں رسائی ، میرے تو پر جلتے جارہے ہیں​

یہاں دکھائی وہ شانِ نوری ، جو اُن جہانوں میں تھی ضروری
مٹا کے سب لامکاں کی دوری ، درِ عرش کھٹکھٹا رہے ہیں

صدائے صلِّ وسلم آئی ، حضور نے یوں‌تدلیّٰ پائی
نہ قاب قوسین حد بنائی ، وہ قربِ اوادنیٰ‌پارہے ہیں​

ہوئی توجہ جو اِتحادی ، تو شانِ جمع الجمع عطا کی
صفاتِ ربی کے ذاتِ عبدی پہ رنگ کتنے چڑھا رہے ہیں​

لبادہ بشری ہے نوری پیکر ، مگر بلایا ہے ٌعبدٌ کہہ کر
حقیقتِ مصطفیٰ ہے برتر ، جسے وہ ہم سب چھپا رہے ہیں

صفات اپنی کے رنگ دے کر، انہیں رؤف و رحیم کہہ کر
بنا کے جلووں کا اپنے پیکر ، وہ حُسن اپنا دِکھا رہے ہیں ​

اے ناقدو! تم ہو کیوں جگھڑتے، ذرا قرآں کو بغور پڑھتے
لقدراہُ سے ہی سمجھتے ، کسے کہاں دیکھے جارہے ہیں

نہ ناقدوں کو سمجھ لگی ہے، خِرد بھی حیراں بھٹک رہی ہے
جنہیں‌صدیقی نظر ملی ہے ، وہی تو کچھ راز پا رہے ہیں ​

ہے کس میں ہمت خدا سے پوچھے، کہاں لے جائے کہاں بٹھائے؟
قوی و قادر ، حبیب اپنے کو اپنا مہماں بنا رہے ہیں

کلیم ترسا تھا رَبِّ اَرِنی ، خدا نے فرمایا لَن تَرانی
حبیب اپنے کی آئی باری ، تو خود بلا کے دکھا رہے ہیں​

کہا اے موسیٰ‌! نہ ایسی ضد کر ، اب آئے گا حق کا ایک مظہر
تو اسریٰ کی شب تلک صبر کر، کہ پیاس تیری بجھا رہے ہیں

کرم ہے امت پہ یہ نبی کا ۔ دیا ہے معراج سے بھی حصہ
رضا غلاموں کو عرشی جلوے ۔ نمازوں میں وہ دِکھا رہے ہیں​

محمد نعیم رضا ۔
5 رجب 1433۔25 مئی 2012۔ بروز جمعہ
​

گر قبول افتد زہے عزّ وشرف​

اللھم صلِ علی سیدنا ومولانا محمد وعلی آلہ وصحبہ وبارک وسلم ​

 

جواب: یہ کون سوئے عرش چلے ہیں کہ قدسی خوشیاں منا رہے ہیں

اللھم صلِ علی سیدنا ومولانا محمد وعلی آلہ وصحبہ وبارک وسلم
سبحان اللہ
جزاک اللہ

 

جواب: یہ کون سوئے عرش چلے ہیں کہ قدسی خوشیاں منا رہے ہیں

السلام علیکم۔ ہارون رشید بھائی اور ابوبکر بھائی ۔
شکریہ ۔ جزاکما اللہ تعالی خیر الجزاء۔

 

جواب: یہ کون سوئے عرش چلے ہیں کہ قدسی خوشیاں منا رہے ہیں

ایمان افروز نعتیہ کلام پر مبارک باد قبول ہو ۔ سبحان اللہ

 

جواب: یہ کون سوئے عرش چلے ہیں کہ قدسی خوشیاں منا رہے ہیں

ماشاءاللہ۔۔۔سبحان اللہ۔۔جزاک اللہ

 

جواب: یہ کون سوئے عرش چلے ہیں کہ قدسی خوشیاں منا رہے ہیں

برادر بھائی اور بےلگام بھائی ۔ حوصلہ افزائی کا شکریہ
دعاؤں کی درخواست ہے

 

جواب: یہ کون سوئے عرش چلے ہیں کہ قدسی خوشیاں منا رہے ہیں

ہماری تو چوبیس گھنٹے دعاے آپ کے ساتھ ہیں وہ بھائی ہی کیا بھائی یادوست ہی کیا جو دوست اپنوں کے لیے دعا نا کرسکے انسان کو کم از کم دعا کردنی چاہیے اس میں کو سا خرچا ہوتا ہے دعاپر اور میری تو ہر وقت دعا ہوتی ہے ہر کسی کے لیے کے اے میرے خدا کسی کے ی ایسے مقام پر نا لاےکےکسی کا دشمن کسی کا محتاج ہو

 

جواب: یہ کون سوئے عرش چلے ہیں کہ قدسی خوشیاں منا رہے ہیں

سبحان اللہ
جزاک اللہ نعیم بھائی
ایک ایک لفظ دل میں اترتا ہوا ایمان کو تازہ کرتا ہے
اللہ تعالی قبول فرمائے ۔۔۔آمین

 

جواب: یہ کون سوئے عرش چلے ہیں کہ قدسی خوشیاں منا رہے ہیں

شکریہ بہنا جی۔
دعاؤں کے لیے جزاک اللہ خیر۔
اللہ پاک آپکو اس سے بھی بہتر اجر عطا کرے۔ آمین