یہ نہ پوچھو ملا ہمیں درِ خیرالورٰی سے کیا -سید نصیر الدین نصیر

یہ نہ پوچھو ملا ہمیں درِ خیرالورٰی سے کیا
نظر ان کی پڑی تو ہم ہوئے پل بھر میں کیا سے کیا

مرے دل کی وہ دھڑکنیں دمِ فریاد سنتے ہیں
متوجہِ جو ہیں ، وہ ہیں ، مجھے بادِ صبا سے کیا

نظر ان کی جو ہو گئی اثر آیا دعا میں بھی
مرے دل کی تڑپ ہی کیا ، مرے دل کی صدا سے کیا

جسے اس کا یقیں ہے کے وہی بخشوائیں گے
کوئی خطرہ، کوئی جھجک اُسے روزِ جزا سے کیا

رہِ طیبہ میں بے خودی کے مناظر ہیں دیدنی
کبھی نقشے ہیں کچھ سے کچھ ، کبھی جلوے ہیں کیا سے کیا

اثر انداز اس پہ بھی مرے آقاﷺ کا رنگ ہے
کہیں آنکھیں ملائے گا کوئی ان کے گدا سے کیا

اجل آتی ہے روبرو ، تو دبے پاؤں ، با وضو
جو محمدﷺ پہ مر مٹا ، اسے ڈرنا قضا سے کیا

دمِ مدحت خشوغِ دل اس سے ضروری ہے ہے استماع
نہ مخاطب جو ہو کوئی کروں باتیں ہوا سے کیا

جسے آدابِ گلشنِ نبوی کی خبر نہیں
وہ بھلا لے کے جائے گا چمنِ مصطفیٰﷺ سے کیا

جسے خیرات بے طلب ملے بابِ رسول سے
اُسے دارین میں نصیرؔ غرض ماسوا سے کیا
سید نصیر الدین نصیر
​

 

اللہ تعالیٰ آپ کو بھی جزائے خیر عطا کرے آمین