یہ سب تمھارا کرم ہے آقا کہ بات اب تک بنی ہوئی ہے

کوئی سلیقہ ہے آرزو کا ، نہ بندگی میری بندگی ہے
یہ سب تمھارا کرم ہے آقا(صلی اللہ تعالیٰ علیہ واٰلہ وسلم) کہ بات اب تک بنی ہوئی ہے
کسی کا احسان کیوں اٹھائیں کسی کو حالات کیوں بتائیں
تمہی سےمانگیں گےتم ہی دو گے، تمھارے در سے ہی لو لگی ہے
عمل کی میرےاساس کیا ہے، بجز ندامت کےپاس کیا ہے
رہے سلامت بس اُن کی نسبت، میرا تو بس آسرا یہی ہے
عطا کیا مجھ کو دردِ اُلفت کہاں تھی یہ پُر خطا کی قسمت
میں اس کرم کےکہاں تھا قابل، حضور کی بندہ پروری ہے
تجلیوں کےکفیل تم ہو ، مرادِ قلب خلیل تم ہو
خدا کی روشن دلیل تم ہو ، یہ سب تمھاری ہی روشنی ہے
بشیر کہیےنذیر کہیے، انھیں سراج منیر کہیے
جو سر بسر ہے کلامِ ربی ، وہ میرے آقا کی زندگی ہے
یہی ہے خالد اساس رحمت یہی ہے خالد بنائے عظمت
نبی کا عرفان زندگی ہے، نبی کا عرفان بندگی ہے​

 

اللھم صلِ علی سیدنا ومولانا محمد وعلی آلہ وصحبہ وبارک وسلم

جزاک اللہ آزاد بھائی ۔

 

جزاک اللہ

صلی اللہ علیہ وسلم

 

آزاد بھائ بہت اچھی نعت شیئر کی :mashallah: سبحان اللہ جزاک اللہ
انتظار کرتے ہیں آپ اور نعت کب شیئر کریں گے