یہ دن یہ رات بانداز بیخودی گزر ے ۔ رفیق احمد نوری مصباحی ھزاریباغ

یہ دن یہ رات بانداز بیخودی گزر ے
تمہاری یاد میں آقا یہ زندگی گزر ے

ہیں مشک بار وہ گلیاں وہ راستے اب تک
جہاں جہاں سےجدھر سےمرے نبی گزر ے

نثار ہو کے مروں انکے رو ۓ اقدس پر
جیوں تو حب نبی میں یہ زندگی گزر ے

رسائ انکی جہاں تک ہو ئ شب اسریٰ
محال ہے کہ کسی کا گمان بھی گزر ے

مری لحد میں رخ مصطفیٰ کا جلوہ ہو
توپھر بتائیے کس طرح تیرگی گزر ے

وہاں بھی ہوتی ہے امداد میر ے آقا کی
جہاں ہوا کا گزر ہو نہ روشنی گزر ے

الٰہی بندہِ عاصی رفیق احمد پر
کرم ہوایساکہ طیبہ میں دو گھڑی گزرے

رفیق احمد نوری مصباحی ھزاریباغ​

 

اللہ تعالیٰ آپ کو بھی جزائے خیر عطا کرے آمین