یہ خوشبو مجھے کچھ مانوس سی محسوس ہوتی ہے -- پروفیسر سیّد اقباؔل عظیم

صلی اللہ علیہ وآلہ وسلم
یہ خوشبو مجھے کچھ مانوس سیمحسوس ہوتی ہے
مجھے تو یہ مدینے کی گلی محسوس ہوتی ہے

یقیناَ یہ گزر گاہ شہنشاہ دو عالم ہے
فضا میں کس قدر پاکیزگی محسوس ہوتی ہے

مری بے نور آنکھوں نے چراغوں کی جگہ لے لی
مجھے اب روشنی ہی روشنی محسوس ہوتی ہے

رکی جاتی ہیں نبضیں اور قدم تھم تھم کے بڑھتے ہیں
مجھے اب قربتِ بابِ نبی محسوس ہوتی ہے

اذانِ صبح دیتا ہے کوئی لحنِ بلالی میں
یکایک روح میں بالیدگی محسوس ہوتی ہے

ہوائیں گنگناتی ہیں فضائیں مسکراتی ہیں
میں کھویا جا رہا ہوں بے خودی محسوس ہوتی ہے

جہاں میں اب کھڑا ہوں روضہ اقدس ہے یہ شاید
تڑپ سینے میں آنکھوں میں نمی محسوس ہوتی ہے

میں کچھ یوں دم بخود ہوں اس دیارِ رنگ و نکہت میں
کہ اپنی زندگی بھی اجنبی محسوس ہوتی ہے

جبیں میری عرق آلود ہے احساسِ عصیاں سے
بہت خوش ہوں مگر شرمندگی محسوس ہوتی ہے

یہ وہ ارضِ مقدس ہے جہاں کے ذرّے ذرّے میں
ابھی تک نکہتِ پائے نبیﷺ محسوس ہوتی ہے

کہیں بدرالدجٰی کے نور سے فانوس روشن ہیں
کہیں نورالہدٰی کی آگہی محسوس ہوتی ہے

یہ کس کے شہر میں اقباؔل قسمت مجھ کو لے آئی
یہاں جو چیز ہے کتنی بڑی محسوس ہوتی ہے
--------
پروفیسر سیّد اقباؔل عظیم
​

 

اللہ تعالیٰ آپ کو بھی جزائے خیر عطا کرےآمین

 

یہ وہ ارضِ مقدس ہے جہاں کے ذرّے ذرّے میں
ابھی تک نکہتِ پائے نبیﷺ محسوس ہوتی ہے​

 

یہ کس کے شہر میں اقباؔل قسمت مجھ کو لے آئی
یہاں جو چیز ہے کتنی بڑی محسوس ہوتی ہے​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرےآمین

 

اللہ تعالیٰ آپ کو بھی جزائے خیر عطا کرےآمین

 

جزاک اللہ خیراً کثیراً

 

اللہ تعالیٰ آپ کو بھی جزائے خیر عطا کرےآمین