یہ انسانوں کی بستی ہے یہاں انسان رہتے ہیں (اصلاح طلب)

یہ انسانوں کی بستی ہے یہاں انسان رہتے ہیں
فقط آنکھوں کا دھوکہ ہے یہاں حیوان رہتے ہیں
مظالم اس قدر ڈھاتے ہیں جیسے مِلک ہوں انکے
رعایا پر خدا بن کے وہ بے ایمان رہتے ہیں
ہر اِک مسلک کا اپنا دین اور اپنی شریعت ہے
کہیں کافرکہیں پر مُنکرِ قرآن رہتے ہیں
لبوں پر قُفل ہیں اور شہر میں فقدان ہے سچ کا
جفا کی حد ہے اپنے ہیں مگر انجان رہتے ہیں
غرض کے دور میں" گُل" ڈھونڈنے انسانیت نکلی
جو سینوں میں کبھی دل تھے وہ اب بے جان رہتے ہیں

زنیرہ "گُل"
​

 

واہ

 

ماشاءاللہ اچھی کاوش ہے...
میں بذاتِ خود مبتدی ہوں پھر بھی کچھ اصلاح کی کوشش کی ہے، کوشش یہ تھی کے کم از کم اشعار کا وزن برابر ہو جائے،
دوسرا شعر اور تیسرا شعر عمدہ ہیں ،، اگرچہ مطلع خوب ہے لیکن میرے خیال میں مطلع کے دونوں مصرعوں میں ربط کمزور ہے..
آخری شعر کا پہلا مصرعہ دوبارہ دیکھ لیں کیونکہ ترکیب جفا کے ساتھ وفا کی ہوتی ہےاور انسانیت کے ساتھ حیوانیت کی یا پھر شیطانیت کی ..
بہرحال مجموعی طور پر اچھی کوشش ہے ایک شعر کا مزید اضافہ کر لیں تو غزل مکمل ہو جائے گی... شکریہ


یہ انسانوں کی بستی ہے یہاں انسان رہتے ہیں
فقط آنکھوں کا دھوکہ ہے یہاں حیوان رہتے ہیں
مظالم اس قدر ڈھاتے ہیں جیسے مِلک ہوں انکے
رعایا پر خدا بن کے وہ بے ایمان رہتے ہیں
ہر اِک مسلک کا اپنا دین اور اپنی شریعت ہے
کہیں کافرکہیں پر مُنکرِ قرآن رہتے ہیں
جفا کے دور میں" گُل" ڈھونڈنے انسانیت نکلی
جو سینوں میں کبھی دل تھے وہ اب بے جان رہتے ہیں

 

محترم آپ کی محبت اور اصلاح کے لیے بہت بہت مشکور ہوں
اللہ آپ کو جذائے خیر دے آمین
انشاءاللہ کوشش کرونگی بہتر کرنے کی

 

اللہ کرے زورِ قلم اور زیادہ

 

شکریہ جناب
اب میں نے تھوڑی بہت تبدیلی کر لی ہے
کچھ کمی بیشی ہو تو ضرور بتائیے
مشکور رہونگی

 

بہترین....وااہ

 

بہت بہت شکریہ محترم