یو ایس ڈیجیٹل آؤٹ ریچ ٹیم، 2013 جھلکیاں چ

ماضی آنگ، 2013 چ وی،یو ایس ڈیجیٹل آؤٹ ریچ اردو تے پنجابی ٹیم نے پاکستانیاں سوشل میڈیا استعمال کرن آلیا تائیں بلاگز، فیس بک، ٹویٹر، ویمیو، تے یو ٹیوب ذریعے پہنچ کیتی۔ بعض موقعیاں تے لوکاں بلے بلے کیتی تے کدی گالاں وی کڈھیاں، پر ایس ٹولی (ٹیم) کنڈ نہی وکھائی، پیڈے پیری ساڈے لوکاں (امریکیاں تے پاکستانیاں) دے درمیان غلط فہمیاں تے افواہواں پاون دیاں کوششاں دا ڈٹ کے مقابلہ کیتا، تا ساڈے درمیان صحت مند گل بات دا سلسلہ جاری رہوے۔


او لوکی جیناں ساڈی صحیح گل دی تائید کردیاں ہویاں ساڈے ہتھ تگڑے کیتے اوناں دے اسی دلی طور تے مشکور آں، تے اوناں دے ایدے تو وی ودھ مشکور آں جیناں امریکہ – پاکستان یاری وارے تے امریکی خارجہ پالیسی تے رج کے تنقید کیتی۔ کیونکہ ایس تنقید کارن اج کل تے کئی دھائیاں دیاں پئیاں ہویاں امریکہ – پاکستان تعلقات وارے غلط فہمیاں تے افواہواں نوں دور کرن دا موقع تے خونی انتہا پسنداں دے اصل چہرے وکھاون چ کامیابی حاصل ہوئی۔


2013 نوں یادگار طریقے نال چھڈن لئی اسی سارے سال دی اپنی اشتہاری کاوش نوں اک فلم ذریعے وکھاون دی کوشش کیتی اے۔ ایس فلم چ اوناں اوکھے ویلیاں دی جھلک نظر آوے گی جیڑے پاکستانیاں نوں خونی انتہا پسندی کارن سال 2013 چ جھلنے پئے۔


اسی امید تے دعا کردے آں کے 2014 پاکستانیاں لئی امن، خوشحالی تے استحکام دا سال ثابت ہووے۔


فلم ویکھن لئی لنک دبو:


Vimeo




Youtube