یونس خان سے مایوسی کے بعد پی سی بی کا سابق کپتان مصباح الحق سے رابطہ

یونس خان کی جانب سے مایوسی کے بعد پاکستان کرکٹ بورڈ نے سابق قومی کپتان مصباح الحق کی خدمات حاصل کرنے کی کوششیں شروع کردی ہیں

لاہور(سپورٹس ڈیسک)یونس خان کی جانب سے مایوسی کے بعد پاکستان کرکٹ بورڈ نے سابق قومی کپتان مصباح الحق کی خدمات حاصل کرنے کی کوششیں شروع کردی ہیں۔ذرائع کے مطابق ایک پی سی بی آفیشل نے قومی جونیئر ٹیموں کی کوچنگ کیلئے مصباح الحق سے رابطہ کیا ہے تاہم انہیں مثبت جواب نہیں مل سکا کیونکہ مصباح الحق بھی کرکٹ کمیٹی میں اہمیت نہ دیئے جانے پر پی سی بی سے ناراض ہیں۔ذرائع کے مطابق یونس خان سے معاملات طے نہ ہونے کے باعث پی سی بی حکام اب مصباح الحق کو انڈر 19 کرکٹرز کی ذمہ داری دینا چاہتے ہیں جبکہ ان سے نیشنل کرکٹ اکیڈمی میں بھی اسی حوالے سے فرائض کی انجام دہی کیلئے کہا جائے گا ۔​