یوم مئی دے حوالے نال اک نظم

ساڈا تیرا جھیڑا کوئی نئیں
ساڈی تے بس اکو عرضی
سانوں ساڈا حصہ لبھے
نئیں تے سن لے قسم خدا دی
ساڈے ہتھ ہتھوڑے ورگے
ساڈے پنڈے نیل نئیں پیندے
ساڈی جبھ نوں تالے لگے چنگے نیں
اسیں ستے بول پئے تے
ککھ نئیں رہناں
ساڈا حصہ کنا سارا ؟
گنتی کرکے ٹوپے بھر کے
سانوں دانے دے چھڈیں تے
ساڈے ولوں موجاں مار
ساڈے پیریں کینچی چپل
تے موڈے تے پرنہ ہووے
سانوں دھپ توں بچن دے لئی
انی پونجی کافی اے
اسیں ویرا بال پڑھا کے کی کرنے نیں ؟
اسیں تیری کرسی بھاہیا کی کرنی اے؟
برکی برکی کھاکے اسیں جیوندے رہئے
شام صباحیں کوہلو وانگوں
جے کر کمے لگے رئیے
تیرا دس ناں کی جاندا اے؟
توں جے بھایا ساڈے اتے سپر ویزر لگا ایں تے لگا رہ
ساڈے لئی تےاناں کردے
ساڈا اور ٹیم لوا دے
چار رپیئے بچن گے تے
اسیں وی جا ہک مئی نوں
چوپڑ روٹی کھاواں گے

محمد صابر