یوسف ثانی صاحب کا تعارف

جواب: یوسف ثانی صاحب کا تعارف

ہماری اردو میں خوش آمدید ۔
ؔ وعلیکم السلام :a191:
ہماری اردو کی روایات کے مطابق آپکی خدمت میں دلچسپ تعارفی پرچہ پیش کیا جاتا ہے۔ براہ مہربانی اسے حل کریں تاکہ سب صارفین کو آپکے بارے میں جاننے کے موقع مل سکے۔ نوازش ہوگی۔
ؔ اتنی جلدی امتحان میں مبتلا کردیا ۔ چلیں کوشش کرتا ہوں پرچہ حل کرنے کی

کوئی سے 6 سوال حل کریں۔ نمبر یکساں ہیں
پرچہ حل کرنے کا وقت: 15 دن
ؔ نمبر یکساں کیوں ہیں؟ عقل سے نقل کی اجازت ہے نا ؟

نوٹ: خوشخطی کے الگ نمبر ہوں گے]
ؔ مگر کتنے ؟

1۔پورا نام؟ اور کس نے رکھا؟
ؔ یہ نام آپ کو مکمل نہیں لگتا؟ میں نے خود رکھا ہے۔ یعنی یہ میراقلمی نام ہے

2- لقب؟ اور کیوں رکھا گیا؟
ؔ لقب کیوں بتلائوں ؟

3- عمر؟ (لڑکیوں کو غلط بیانی کی اجازت ہے۔)
ؔ مجھ جیسے اولڈ از گولڈ بوائے کو کیوں نہیں؟ نصف صدی کا قصہ ہوں ۔ ۔ ۔

4- شہر، ملک؟ (کب سے یہاں ہیں؟)
ؔ کراچی پاکستان ( آپ کا تعلق بی بی نادرہ سے تو نہیں؟ (

5- تعلیم؟ (حاصل کرنا کیوں ضروری سمجھی؟)
ؔ پڑھا لکھا ہوں۔ یعنی پڑھ بھی سکتا ہوں اور لکھ بھی ، لکھنے کے لئے پڑھنا سیکھا
اور پڑھنے کے لئے لکھنا

6- مشاغل؟ (اپنے بتانے ہیں، اُن کے نہیں۔)
ؔ ان کے کن کے ؟ لکھنا پڑھنا اور پڑھنا لکھنا

7- پیشہ؟ (کاروبارِ محبت سے اِحتراز کریں۔)
ؔ آپ کا تعلق انکم ٹیکس سے تو نہیں؟

8- مستقبل کے عزائم؟ (اگر زیادہ خطرناک ہوں تو وضاحت سے بیان کریں۔)
ؔ اگر بہت زیادہ خطناک ہوں تو؟

9- ہماری اردو سے تعارف کیسے ہوا ؟
ؔ غلطی سے ہوگیا۔ نیٹ گردی کا عادی مجرم ہوں، یہ اسی جرم کی سزا ہے

اگر آپ پرچہ حل کرنا غیرضروری خیال کریں تو اس کی کوئی سی تین وجوہات بیان کریں۔
1۔ پرچہ کٹوانا ہو یا پرچہ دینا، یہ شرفاء کا شیوہ نہیں
2۔ یہ عمل یعنی پرچہ حل کرنا ایک غیر ادبی عمل ہے
3۔ تیسری وجہ پرچہ حل کرتے کرتے حسب عادت بھول گیا
:Z14:

 

جواب: یوسف ثانی صاحب کا تعارف

اچھا بے وقوف بنایا

 

جواب: یوسف ثانی صاحب کا تعارف

اور آپ بن گئے :a150:

 

جواب: یوسف ثانی صاحب کا تعارف

سوالات بھی تو گھماؤ پھراؤ والے ہی تھے نا اسی لئے ۔ ۔ ۔
ایک بار پھر :a191:

 

جواب: یوسف ثانی صاحب کا تعارف

آپ کا انتظار شروع ہونے سے پہلے ہی ختم ہوگیا۔ قرآن و حدیث سیکشن میں منفرد دھاگے آپ سب کی نذر ہیں۔

 

جواب: یوسف ثانی صاحب کا تعارف

یہ لیجئے آپ سب کی تشنگی دور کرنے کا سامان کئے دیتے ہیں۔ حفیظ جالندھری مرحوم نے جو بات اپنی شاعری کے حوالے سے کہی تھی، معمولی ترمیم کے ساتھ اپنے بارے میں یوں کہہ سکتا ہوں کہ ۔۔۔۔نصف صدی کا قصہ ہوں دوچار برس کی بات نہیں ع :237:

نیٹ فورم کی دنیا میں تب سے ہوں، جب سے پاکستان نیٹ ورلڈ میں داخل ہو اہے۔ ویسے لکھنے لکھانے کا سلسہ اس سے بھی پرانا ہے۔ ادب و صحافت کا طالب علم ہوں۔ صحافت میں خبر نویسی کے علاوہ کبھی کالم نویسی بھی کیا کرتا تھا اور ادب میں انشائیہ نگاری ، خاکہ نگاری اور طنز و مزاح میرا پسندیدہ شعبہ رہا ہے۔ (طنز و مزاح کے نمونے آپ کو یہاں بھی جا بجا نظر آ تےرہیں گے ان شا ءاللہ (انشائیوں کا مجموعہ "یوسف کا بکا جانا" بھی شائع ہوچکا ہے۔ پاکستان کے تمام بڑے اخبارات و جرائد میں وقتا" فوقتا" لکھتا رہا ہوں۔ پاکستان پریس انٹر نیشنل، پی پی آئی نیوز ایجنسی اور روزنامہ جنگ لندن کے علاوہ بھی دیگر ادبی و صحافتی اداروں سے وابستگی رہی ہے۔تاہم ادب و صحافت کبھی بھی میرا ذریعہ روزگار نہیں رہا۔ پیشہ کے اعتبار سے کیمیکل ٹیکنالوجسٹ ہوں۔
گذشتہ پانچ برسوں سے اپنے لکھنے لکھانے کی صلاحیت کو قرآن و حدیث تک مرتکز کردیا ہے۔ سب سے پہلے قرآن کے تیس پاروں کی عام فہم اردو زبان میں موضوعاتی درجہ بندی کی اور اسے "پیغامِ قرآن" کے نام سے شائع کیا۔ پھر بخاری شریف کے جملہ کتب کی آسان اردو میں تلخیص کی۔ اور اسے "پیغامِ حدیث" کے نام سے شائع کیا۔ بعد ازاں پیغامِ حدیث میں صحاح ستہ سمیت گیارہ مجموعہ احادیث سے اضافی احادیث پر مبنی چار خصوصی ضمیمے پیغامِ حدیث میں شامل کئے۔ دونوں کتب الگ الگ شائع کرنے کے علاوہ حال ہی میں دونوں کا مشترکہ ایڈیشن بھی شائع کیا ہے۔ یہ کتب فی الحال کراچی میں ویلکم بک پورٹ، اردو بازار، اقبال بک ہاؤس، بوہری بازار صدر (بالمقابل فرزند علی قلفی شاپ) اور اتوار بک بازار (ریگل و فریئر ہال) میں دستیاب ہے۔ نئے ایڈیشن میں قرآن و حدیث کے متن میں اوامر و نواہی کو نمایاں کرنے کے علاوہ اوامر و نواہی کا اشاریہ بھی شامل کی گیا ہے۔ پیغام سیریز کا پانچواں ایڈیشن، دونوں کتب پر مشتمل ہے۔
ہمارے آئندہ کے منصوبوں میں قرآن و حدیث کے جملہ اوامر و نواہی کی علیحدہ سے اشاعت کے علاوہ یہ تمام کام انگریزی اور سندھی میں بھی شائع کرنا ہے۔ اس پروجیکٹ میں فی سبیل اللہ شریک ہونے والے، دامے، درمے، قدمے، سخنے ہر طرح سے شریک ہوسکتے ہیں۔ واضح رہے کہ ہماری کسی بھی کتاب کی کوئی کاپی رائٹ نہیں۔ ہر فرد، ادارہ اسے تجارتی یا غیر تجارتی بنیادوں پر شائع کرکے تقسیم و فروخت کرسکتا ہے۔ کمپوزنگ سمیت جملہ ٹیکنیکل سہولیات ہم مفت فراہم کرتے ہیں۔اللہ ہمارا حامی و ناصر ہو آمین ثم آمین
امید ہے کہ یہ تعارف فی الحال کافی (چائے نہیں) ہوگا۔:91:

 

جواب: یوسف ثانی صاحب کا تعارف

مجھے نہیں انھیں جنہوں نے یہ پرچہ ترتیب دیا ہے

 

جواب: یوسف ثانی صاحب کا تعارف

السلام علیکم

چلے یہ جان کر خوشی ہوئی کہ ابھی تک چاہ یوسف سے صدا آ رہی ہے

خوش آمدید جناب، بہت لطف آیا آپ کا تعارف پڑھ کر، اور مزید مفصل تعارف نے ہمارے اس خیال کو یقین میں بدل دیا کہ اک طوفاں چھپا ہوا اندرون دریا۔۔۔۔۔۔۔

بہت زیادہ خوش رہیں، آپ کے نیک کام اور نیک ارادوں کا سن کر ازحد خوشی ہوئی۔۔۔۔ اللہ پاک آپ کو کامیابیوں سے نوازے۔۔۔۔۔ اور ہمارے لائق کوئی خدمت ہو تو ضرور بتائے، ہم بہت کم علم انسان لیکن کسی بھی حوالے سے اس کام میں حصہ ڈال کر ازحد خوشی ہوگی

 

جواب: یوسف ثانی صاحب کا تعارف

بہت بہت شکریہ ۔ یہ جان کر ہمیں بھی بہت اچھا لگا :n_thanks:
صین صے صدا خوش رہئے :1-announce:

 

جواب: یوسف ثانی صاحب کا تعارف

ہا ہا ۔ شاہ جی ! آپ ناراض نہ ہوں ، اگلی مرتبہ آپ کو بنا دیں گے :91:

 

جواب: یوسف ثانی صاحب کا تعارف

وعلیکم السلام و رحمۃ اللہ و برکاتہ شعیب بھائ!
آپ جیسے مخلص دوستوں کی دعاؤں اور تعاون سے ہی اللہ کے دین کو پھیلانے کا فریضہ انجام دینے کی ایک ادنیٰ سی کاوش ہے۔ پیغام قرآن ویب سائٹ ملاحظہ کیجئے اور جس طرح تعاون کرسکتے ہوں، صدقہ جاریہ کے حصول کے لئے ضرور کیجئے۔ ان شاء اللہ رابطہ رہے گا۔ جزاک اللہ

 

جواب: یوسف ثانی صاحب کا تعارف

یہ تو آپ کی ذرہ نوازی ہے ملک صاحب! ورنہ من آنم کہ من دانم :doh: صاحب علم نہیں بلکہ محض طالب علم ہوں۔ اللہ نے اب توفیق دی ہے تو اصل علم قرآن و حدیث کی طرف توجہ کی ہے۔ ورنہ ساری عمر تو فضولیات ہی لکھتے پڑھتے رہے ہیں۔
آپ جیسوں کا تعاون رہا تو ان شاء اللہ اس فورم میں بھی اسلام کو قرآن و حدیث کے حوالہ سے بیان کرنے کی کوشش کرتا رہوں گا۔ جزاک اللہ

 

جواب: یوسف ثانی صاحب کا تعارف

:n_thanks:
ا:a191:

 

جواب: یوسف ثانی صاحب کا تعارف

آپ نے اوپر سندھی زبان کی بات کی ہے کیا آپ سندھی الاصل ہیں ؟؟؟؟؟

 

جواب: یوسف ثانی صاحب کا تعارف

بابا جی! میری مادری زبان تو اردو ہے، لیکن میں اندرون سندھ میں سالہا سال تک رہنے کے باعث اپنا یہ فرض سمجھتا ہوں کہ قرآن و حدیث کے پیغام کو سندھی زبان میں بھی پیش کروں۔ اسی طرح ہمارے ملک کے بہت سے پڑھے لکھے لوگ اردو زبان سے زیادہ انگریزی زبان میں لکھنے پڑھنے میں سہولت محسوس کرتے ہیں لہٰذا ایسے لوگوں کے لئے انگریزی میں بھی کام جاری ہے۔

 

جواب: یوسف ثانی صاحب کا تعارف

اچھا تعارف کروایا ہے آپ نے _aaa: