ہے ہستیٔ عالم نشانِ محمدﷺ ۔۔۔ بے ہوش محبوب نگری

ہے ہستیٔ عالم نشانِ محمدﷺ
ثبوتِ دو عالم ہے جانِ محمدﷺ

ظہور کمالات حق دیکھنا ہے
تو دیکھئے کوئی عز و شان محمدﷺ

سمجھ لے جو اس ربط کو وہ ہے عارف
کلامِ خدا اور زبانِ محمدﷺ

کرے عقل محدود مدح و ثنا کیا
ہے قرآن سارا بیان محمدﷺ

ہے مولائے کل اور شکم پر ہیں پتھر
بہت سخت ہے امتحان محمدﷺ

رواں تھا رواں ہے روانہ رہے گا
زمانہ ہے اک کاروانِ محمدﷺ

ہے معراج ان کے لئے زندگی کی
جو پہنچے سرِ آستانِ محمدﷺ

حقیقت کا دروازہ کھلتا ہے جس پر
وہ پہچان لیتا ہے شانِ محمدﷺ

یہ عاصی ہو کس طرح مایوس رحمت
کہ بے ہوشؔ ہے مدح خوان محمدﷺ
٭٭٭٭
بے ہوش محبوب نگری ۔۔۔ (ہوشِ نعتﷺ )​

 

اللہ تعالیٰ آپ کو بھی جزائے خیر عطا کرے آمین

 

یہ عاصی ہو کس طرح مایوس رحمت
کہ بے ہوشؔ ہے مدح خوان محمدﷺ​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

​

 

ماشاءاللہ
عمدہ کلام
جزاک اللہ خیراً کثیرا​

 

اللہ تعالٰی آپ کو بھی جزائے خیر عطا کرے آمین

​