ہے صدائے زمن یاحسن یاحسن ۔۔ عثمان غنیؔ خیال فریدی

ہے صدائے زمن یاحسن یاحسن
یہ علی کا چمن یا حسن یا حسن

راحتِ فاطمہ “ ہم شبیہِ نبی
مرتضٰی کی پھبن یاحسن یاحسن

لوریاں جسکو حوریں سناتیں رہیں
قدسییوں کی لگن یاحسن یاحسن

چھوڑ کر خطبہ آقا اُٹھائیں جسے
دین کا وہ حُسن یاحسن یاحسن

دشمنِ جاں بھی ظاہر نہ ہونے دیا
تو امین و اَمن یاحسن یاحسن

دو گروہوں کی تو نے کرائی صلح
عافیت کا مِشن یاحسن یاحسن

ہے غنیؔ جس کی ماں عابدہ زاہدہ
باپ خیبر شِکن یاحسن یا حسن
------
عثمان غنیؔ خیال فریدی

​

 

سبحان اللہ جزاک اللہ