ہے تڑپ دل میں فقط گُنبدِ خضرا دکھوں ۔۔ سیدہ زینب سروری

ہے تڑپ دل میں فقط گُنبدِ خضرا دکھوں
بارہا اے شہِ بطحاؐ ! ترا روضہ دیکھوں

ہجر میں ان کے گُلِ تر کو سسکتا دیکھوں
شبنم و نرگس و سوسن کو بکھرتا دیکھوں

غنچہ و گل ہی نہیں محوِ ثناۓ سرورﷺ
اُنؐ کی توصیف میں بلبل کو چہکتا دیکھوں

پنکھڑی کو دوں میں تشبیہ لبِ اطہر سے
صحنِ گلشن میں کِھلا جب گُلِ رعنا دیکھوں

ایک اک چاہنے والے کے دلِ مضطر کو
فرقتِ سرورِعالمﷺ میں تڑپتا دیکھوں

ایک ہم ہی تو نہیں ہیں تریؐ الفت کے اسیر
ہر زمانے کو تراؐ والہ و شیدا دیکھوں

روح سرشار، ضیا بار نظر ہو جاۓ
دل کے آئینے میں جب اُنؐ کا سراپا دیکھوں

ذکرِ محبوبؐ میں مشغول وہیں ہو جاؤں
گرتصور میں بھی اُنؐ کا رخِ زیبا دیکھوں

دہر میں شاد رہیں چاہنے والے تیرےؐ
اُن کے اخلاص کا ہر رنگ نرالا دیکھوں

ہستئ شاہِ اممؐ پر ہیں زمانے قرباں
آپؐ کے عشق کا چڑھتا ہوا دریا دیکھوں

و رفعنا لک ذکرك کا ہے چرچا آقاؐ
نور پیشانئ عظمت سے ہویدا دیکھوں

شادمانی میں کروں شُکرِ خداوندِ کریم
مشکلوں میں تریؐ رحمت کا وسیلہ دیکھوں

سائباں ایک عطا رحمت و رافت کا حضورؐ
دستِ شفقت بھی تراؐ سر پہ ہمیشہ دیکھوں

اپنے شہکارؐ کی تخلیق پہ رب نازاں ہے
اور پہلا ہے ثنا گر، اُسے ایسا دیکھوں

انؐ کی نسبت کی ضیا سے ہوں منور زینب
میں لحد میں بھی اسی نور کا جلوہ دیکھوں
--------
کلام : سیدہ زینب سروری
​

 

ہے تڑپ دل میں فقط گُنبدِ خضرا دکھوں
بارہا اے شہِ بطحاؐ !تراروضہ دیکھوں​

 

غنچہ و گل ہی نہیں محوِ ثناۓ سرورﷺ
اُنؐکی توصیف میں بلبل کو چہکتادیکھوں​

 

ایک اک چاہنے والے کے دلِ مضطر کو
فرقتِ سرورِعالمﷺ میں تڑپتا دیکھوں​

 

ایک ہم ہی تو نہیں ہیں تریؐ الفت کے اسیر
ہر زمانے کو تراؐ والہ و شیدا دیکھوں​

 

روح سرشار، ضیا بار نظر ہو جاۓ
دل کے آئینے میں جب اُنؐ کا سراپادیکھوں​

 

دہر میں شاد رہیں چاہنے والے تیرےؐ
اُنکے اخلاص کا ہر رنگ نرالا دیکھوں​

 

ہستئ شاہِ اممؐ پر ہیں زمانے قرباں
آپؐ کے عشق کا چڑھتاہوا دریادیکھوں​

 

و رفعنا لک ذکرك کا ہے چرچا آقاؐ
نور پیشانئ عظمت سے ہویدا دیکھوں​

 

شادمانی میں کروں شُکرِ خداوندِ کریم
مشکلوں میں تریؐ رحمت کا وسیلہدیکھوں​

 

سائباں ایک عطا رحمت و رافت کا حضورؐ
دستِ شفقت بھی تراؐ سر پہ ہمیشہ دیکھوں​

 

اپنے شہکارؐ کی تخلیق پہ رب نازاں ہے
اور پہلا ہے ثنا گر، اُسے ایسا دیکھوں​

 

انؐ کی نسبت کی ضیا سے ہوں منور زینب
میں لحد میں بھی اسی نور کا جلوہ دیکھوں​

 

سبحان اللہ ۔ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​