ہے تو خالق خشک و تر میرے مولا ۔ بلال رشید

ہے تو خالق خشک و تر میرے مولا
ہے ہر شے میں ترا ہنر میرے مولا
ہیں یہ تیری قدرت کے دلکش نظارے
یہ تارے یہ شمس و قمر میرے مولا
رحیم وکریم و عظیم و مصور
ہے تو قادر و مقتدر میرے مولا
کہوں ڈوب کر میں سدا تیری حمدیں
عطا کر مجھے وہ ہنر میرے مولا
زبانوں پہ اہل ولا کی ہے جاری
ترا ذکر شام و سحر میرے مولا
جہاں میں کہاں تک ترا نور دیکھو
ہے محدود میری نظر میرے مولا
یہ سب کہکشاہیں ترے حکم سے ہیں
ترے ہی ہیں برق و شرر میرے مولا
کروں اقتدا میں سدا اس نبی کی
جو ہے ذات خیر البشر میرے مولا
یہ دریا سمندر ترے ہاتھ میں ہیں
ہے تو حاکم بحر و بر میرے مولا
تری یاد سے ہی بلال حزیں کے
منور ہیں قلب و جگر میرے مولا
---
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین