ہنے ہنے میں بھریا اے گھٹ نکیاں نکیاں سدھراں دا ہنے ہنے میں ویکھیا اے منظر نویاں نویاں قبراں دا ہنے ہنے ای سی چانن ٹُریا انھ ہنیری بُکل چُوں ہنے ہنے ای شام دی لالی نکلی کالے بدل چُوں ہنے ہنے ہے سانبھ لیا اِک رُکھ نے اپنیاں چھانواں نوں ہنے ہنے اِک رتّا سورج دے گیا اوٹ نگاہواں نوں ہنے ہنے میں ویکھ رہیا ساں اُچے جہے اِک کھنڈر نوں ہنے ہنے میں توبہ کیتی ویکھ کے اپنے اندر نوں سلیم پاشا
جواب: ہُنے ہُنے واہ سین جی! ودھیا کلام ونڈیا جے ساڈے نال۔ احساسات پوری شدت نال اپنا آپ وکھاندے پئے نیں۔ ہنے ہنے تہاڈا شیئر کیتا گیا کلام پڑھیا تے ہنے ہنے طارق عزیز جی دا کلام ذہن چ آ گیا۔ گھر دیاں کندھاں ، ڈیناں بن کے چِیکاں مارن زور دیاں لوڑاں نے کسے ہور دیا طارق عزیز
جواب: ہُنے ہُنے ھارون جی میں تے ایسے گلوں کدوں دا کُرلاٹ پایا ہویا سی ! وئی جے پنجابی چوپال نوں چلانا ایں تے ایس دھی رانی نوں آہرے لا دیو !
جواب: ہُنے ہُنے سچ آکھا جے میں ایس کڑی نوں وڈا بھرا ہون دے باوجود عرض کرنا واں کہ پتر جی سانوں کج وقت عنایت کریا کرو
جواب: ہُنے ہُنے سب دا بوہت شکریہ اتے چاچا جی تے ہارون بھرا تہاڈیاں محبتاں انمول نیں ۔۔۔۔۔۔۔میرے کولوں جنہاں ہوسکیا میں اپنی ماں بولی دی خدمت کردی رہواں گی۔