ہو مجھ سے کیسے قضا تیری اے خدا تسبیح ۔ بلال رشید

ہو مجھ سے کیسے قضا تیری اے خدا تسبیح
کہ جب ہے دین کا مجھ سے مطالبہ تسبیح
اٹھا اٹھا کے جنازے نحیف کاندھوں پر
خدا کی کرتے رہے شاہ کربلا تسبیح
اسی کی حمد ہے واجب ہر ایک مومن پر
وہ جس کی کرتے تھے سلطان انبیا تسبیح
چلے جو غار کی جانب نبی شب ہجرت
تھی راستے میں لب ناز پر دعا تسبیح
ہے ورد چاند کا تاروں کا اور سورج کا
ہوئی نہ ان سے کبھی آج تک قضا تسبیح
ازل سے سارے سمندر یہی تو کرتے ہیں
ہے آبشاروں کی دریاوں کی نوا تسبیح
نہ کیوں ہو ورد یہ میرا بلال صھح و مسا
ہے جب مریض پہ رحمت کی اک گھٹا تسبیح
-----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین