بے ہسی دا عالم ویکھو!!! کہ سانوں پتا ہے کہ سارے معاشرے دے وچ برائیاں پھیل چکیاں نے، پر ہر بند اک دوجے ول ویکھ کے اکو سوال کردا جے کہ "ہن کی کریئے"۔ ایدھا مطلب کہ اسی کجھ نہیں کر سکدے،تے اسی معاشرتی برائیاں اور ساڈے اردگرد ہون والی ناانصافیاں اوتے اپنی بے بسی تے خودغرضی دا پردہ پا لینے آں، آخر کدوں تکر انج ہی ہوندا رہے گا، کدوں تکر اس اپنی بےضمیری نو مجبوری دا ناں دے کے اپنے آوون والیاں نسلاں لئی کنڈے بیجدے رواں گے۔ ساڈے وڈیاں نے ساڈے لئی بہت کج اچھا کیتا لیکن اسی اپنی آوون والیاں نسلاں نوں بے ایمانی، نا انصافی ، جھوٹ تے بد کرداری دے رستے اتے آپ لا رہئے آں۔ اور اودا نا اسی مجبور، روشن خیالی تے ترقی رکھ دیتا جے۔ سوچو!!!! مترو، بیلیو تے سجنو!!! آخر اسی اپنی جان تے مال دے نال نال اپنی اولاد دا وی حساب دینا جے۔ خود احتسابی معاشرے لیئے سدھار دا واحد زریعہ جے!!!!! آو سب مل کے خود احتسابی دا رستہ اختیار کرئیے۔ شکریہ تے مہربانی۔
جواب: ہن کی کریئے!!!! سوچی پئے آں ہُن کی کریے پپو سانوں تنگ نہ کر تُوں بڑے ضروری کم لگے آں سوچی پئے آں ہُن کی کریے روٹی شوٹی کھا بیٹھے آں لسی شسی پی بیٹھے آں حقے دا کش لا بیٹھے آں پونج پانجھ کے اندروں باہروں پانڈے وی کھڑکا بیٹھے آں سوچی پئے آں ہُن کی کریے ویکھ لیاں نے سب اخباراں سبھے ورقےتُھل بیٹھے آں پڑھ بیٹھے آں سارے اکھر سارے حرف سنا بیٹھے آں سوچی پئے آں ہُن کی کریے کیسے کیسے اسلحے بن گئے وڈے وڈے مسئلے بن گئے وڈے شہر وسا بیٹھے آں سارا چین گنوا بیٹھے آں سوچی پئے آں ہُن کی کریے رزق، سیاست ، عشق کوِتا کُجھ وی خالص رہن نہ دِتا ساری کیڈھ ونجا بیٹھے آں دودھ وچ سرکہ پا بیٹھے آں سوچی پئے آں ہُن کی کریے جی کردا سی ووٹاں پائیے مارشل لاء توں جاں چھڈائیے ووٹاں شوٹاں پا بیٹھے آں اے جمہوری رولا رَپا کنے سال ہنڈا بیٹھے آں سوچی پئے آں ہُن کی کریے سودا کوئی پجھدا ناہیں کوئی رستہ سُجھدا ناہیں رستے وچ آ بیٹھے آں سوچی پئے آں ہُن کی کریے
جواب: ہن کی کریئے!!!! بہت ہی ودیا جی، ملک صاب!!! تسی تاں چھا گئے جئے۔ بہت اعلٰی لکھیا جے۔ ماشاءاللہ بہت اچھے لکھاری جے تسی۔