ہم عشق زدہ، سوختہ جاں، ہجر گزیدہ

ہم عشق زدہ، سوختہ جاں، ہجر گزیدہ
وہ کعبہ ء جاں حسن کہ دیدہ نہ شنیدہ

زلفوں کے حجاب اٹھے کہ میخانے کھلے ہیں
آتش ہے شب ِ وصل کہ مشروب ِ کشیدہ

نورنگی ء دوراں ہے کہ نیرنگ ِ زمانہ
ہر شکل ہے صد چہرہ مگر عکس ندیدہ

اک شہر ِ مقفل ہے جہان ِ شب ِ جاناں
دل دشت میں بھٹکا ہوا آہوئے رمیدہ

ہم کوفہ ء احباب کے صحرا کے مسافر
کہتے ہیں ہمیں اھل ِجنوں اشک چکیدہ

نکلے ہیں سوئے دار غزالان ِ سحر خیز
دل راکھ ،جگر چاک، گریبان دریدہ

درویش قتیل عشق کے مر کر نہیں مرتے
بنتی ہے شجر خاک میں مل شاخ ِ بریدہ

فاروق درویش

 

جواب: ہم عشق زدہ، سوختہ جاں، ہجر گزیدہ

نورنگی ء دوراں ہے کہ نیرنگ ِ زمانہ
ہر شکل ہے صد چہرہ مگر عکس ندیدہ

کیا کہنے۔۔۔بہت خوب

 

جواب: ہم عشق زدہ، سوختہ جاں، ہجر گزیدہ

ممنون ہوں بیٹا جی ۔۔۔۔۔۔۔۔۔۔ خوش آباد

 

جواب: ہم عشق زدہ، سوختہ جاں، ہجر گزیدہ

شکرگزار ہوں بیٹا جی ۔۔۔۔۔ جگ جگ جئیں

 

جواب: ہم عشق زدہ، سوختہ جاں، ہجر گزیدہ

بہت حوب جناب زبردست

 

جواب: ہم عشق زدہ، سوختہ جاں، ہجر گزیدہ

بہت شستہ انداز۔ الفاظ بھی بہترین، بہترین مضامین۔ داد‌حاضر ہے
باقی سب تو سمجھ میں آ گیا۔ ’’ رمیدہ‘‘ اور ’’چکیدہ‘‘ سمجھ میں نہیں آیا۔
اگر آپ ہم جیسوں کے لیے نیچے معانی بھی لکھ دیا کریں۔ شکریہ

 

جواب: ہم عشق زدہ، سوختہ جاں، ہجر گزیدہ

رمیدہ۔۔۔۔۔۔۔۔ بھاگا ہوا ، وحشی۔۔ آہوئے رمیدہ ۔۔وحشی یا آزاد منش ہرن
چکیدہ ۔۔۔۔ ٹپکا ہوا ، بہا ہوا، مقطر

 

جواب: ہم عشق زدہ، سوختہ جاں، ہجر گزیدہ

علم میں اضافے کے لیے ممنون ہوں۔آپ تو فارسی کی جیتی جاگتی لغت ہیں۔ ماشا ءاللہ

 

جواب: ہم عشق زدہ، سوختہ جاں، ہجر گزیدہ

قدر افزائی کا شکریہ ۔۔۔۔ ایسی کوئی بات نہیں ہے جی ۔ کبھی کبھی تُکا لگ جاتا ہے ۔