ہم بھی نہیں کسی کے کوئی نہیں ہمارا----برائے اصلاح

شکیل احمد خان
@محمدسعید سعدی
محمد اجمل خان
-------
ہم بھی نہیں کسی کے کوئی نہیں ہمارا
رب کے سوا کسی کا سچا نہیں سہارا
-----------------
گردش میں جب تھی کشتی میں نے اسے پکارا
دیکھا تو سامنے تھا جو دور تھا کنارا
-----------
رہتا ہے پاس میرے محسوس کر لیا ہے
اس کے بغیر میرا ہوتا نہیں گزارا
--------------
تنہا نہیں ہے چھوڑا انسان کو جہاں میں
رہبر بنا کے اس نے قرآن کو اتارا
---------
رستہ خدا کا چھوڑا جس نے بھی اس جہاں میں
وہ آخرت کی بازی سمجھو یہیں پہ ہارا
---------
رزقِ حلال کھانا آساں نہیں ہے لیکن
تکلیف تم کو ہو گی ، کر لو مگر گزارا
-------------
یہ چاہتیں جہاں کی رہ جائیں گی یہاں پر
چھوڑے گا ساتھ تیرا ،،جو بھی تجھے ہے پیارا
-----------
غیروں کے در پہ ارشد جاتا نہیں کبھی بھی
اُس کے لئے ہے کافی رب کا ہی اک سہارا
----------------

 

محترم!
خوش رہیں، تندرست ہیں اور رب کریم آپ پر اپنا خاص فضل و کرم فرمائے۔
صرف ایک جگہ شاید ٹائپنگ کی غلطی نظر آئی ۔۔۔۔۔۔رزقِ حلال۔۔۔۔ہلال چاند کو کہتے ہیں اور وہ بھی پہلی سے تیسری تاریخ کا بڑھتا ہوا چاند۔
غزل ماشاء اللہ بہت نکھری نکھری ہے ،اللہ کرے زورِ قلم اور زیادہ!