ہماری وجہ بقا لا الہ الا اللہ ۔ بلال رشید

ہماری وجہ بقا لا الہ الا اللہ
ہے انبیا کی صدا لا الہ الا اللہ
سکون قلب کی دولت کا یہ خزانہ ہے
ہے روح و دل کی غذا لا الہ الا اللہ
رہے نہ کیوں وہ گناہوں سے پاک پھر لوگو
پڑھے جو صبح و مسالا الہ الا اللہ
وظیفہ اس کا کریں سب صحابہ اور امام
ہے ورد آل عبا لا الہ الا اللہ
لکھا وہ جاۓ موحد خدا کے دفتر میں
کہے جو وقت قضا لا الہ الا اللہ
یہ چاند سورج و تارے بناۓ ہیں جس نے
و ہی ہے میرا خدا لا الہ الا اللہ
وطیفہ ہے یہی سب سے عظیم دنیا میں
ہے اہل حق کی نوا لا الہ الا اللہ
حسین پر تھا مصایب کا آسماں ٹوٹا
مگر تھی لب پہ صدا لا الہ الا اللہ
ہوئی ہے اس پہ عنایت ضرور مولا کی
وہ جس نے دل سے کہا لا الہ الا اللہ
جو پوچھی میں نے حقیقت نبی سے وحدت کی
جواب مجھ کو ملا لا الہ الا اللہ
نہیں ہیں اس سے شناسا جو دل کے کالے ہیں
ہے نور حق کی ضیا لا الہ الا اللہ
وطیفہ نام بشر کا میں کر نہیں سکتا
فقط ہے ورد مرا لا الہ الا اللہ
بلالؔ کیسے بھلا دوں وظیفہ میں اس کا
ہے میرے دل پہ لکھا لا الہ الا اللہ
----
(کلام: بلالؔ رشید)​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین