ہماری اردو کے لیے کچھ جذبات

السلام علیکم !
کیسے ہیں سب دوست ؟
امید ہے آپ سب لوگ خیریت سے ہوں گے اور رمضان المبارک کی برکتوں سے لطف اندوز ہورہے ہوں گے۔ انشاءاللہ۔

آپ سب دوستوں کی جدائی میں کچھ دن تو بہت ہی کرب کے عالم میں گذرے۔ لیکن انتظامیہ سے کوئی شکایت نہیں کروں گا۔
کیونکہ ہماری اردو کی محبت ، اپنائیت والی خوبصورتی دیگر صارفین کی طرح مجھے بھی عزیز ہے۔

آپ سب سے دوری اور جدائی کے عالم میں کچھ جذبات اشعار کی بندش میں آگئے۔ جو کہ آپ سب کی خدمت میں پیش کرنے کو حاضر ہوا ہوں۔ انتظامیہ سے التماس ہے کہ میرا یہ پیغام سب صارفین تک پہنچا دیا جائے اور اگر ممکن ہوتو " میری ذاتی شاعری " والے چوپال میں میرے اشعار والی لڑی میں بھی منتقل کردیا جائے۔ شکریہ

"ہماری اردو" میں سب دوست باوفا دیکھے
خلوص دل میں لیے، دست بہ دعا دیکھے

ادا نہ ہم سے ہوا حقِ خدمتِ اردو
اگرچہ اپنے تئیں سب جوہر آزما دیکھے

" ہماری اردو" لگے آج بھی ہے گھر اپنا
بھلے کوئی نہ ہمیں درخورِ اعتنا دیکھے

دعا ہے میری ، ملیں تجھ کو رفعتیں اتنی
زمانہ ، شمس نہ تیرا کبھی ڈھلا دیکھے

بھُلا سکا نہ رضا ، یاد تیری محفل کی
ہزار بار تیرے تذکرے بھُلا دیکھیے

محمد نعیم رضا۔ 2008-09-09

اور اس شعر کے ساتھ اجازت چاہوں گا

ہم چھوڑ چلے ہیں محفل کو، یاد آئے کبھی تو مت رونا
بس دل کو تسلی دے لینا ، گھبرائے کبھی تو مت رونا

 

"ہماری اردو" میں سب دوست باوفا دیکھے
خلوص دل میں لیے، دست بہ دعا دیکھے

ادا نہ ہم سے ہوا حقِ خدمتِ اردو
اگرچہ اپنے تئیں سب جوہر آزما دیکھے

" ہماری اردو" لگے آج بھی ہے گھر اپنا
بھلے کوئی نہ ہمیں درخورِ اعتنا دیکھے

دعا ہے میری ، ملیں تجھ کو رفعتیں اتنی
زمانہ ، شمس نہ تیرا کبھی ڈھلا دیکھے

بھُلا سکا نہ رضا ، یاد تیری محفل کی
ہزار بار تیرے تذکرے بھُلا دیکھیے

محمد نعیم رضا۔​

بہت خوب نعیم بھائی ! اچھی شاعری ہے
ہماری اردو کے سب صارفین بھی آپکو بہت یاد کرتے ہیں

 

نعیم بھائی بس اتنا ہی کہوں گا کہ کچھ تعلق توڑنے سے ٹوٹا نہیں کرتے اور کچھ لوگ بھلانے سے بھولا نہیں کرتے۔
اللہ تعالی آپ کو ہمیشہ اپنے فضل اور رحمت کے سایہ میں رکھے، اور بہت زیادہ خوش رکھے، آمین
علامہ اقبال کا ایک شعر یاد آگیا وہ بھی لکھ رہا ہوں۔

اگر عثمانیوں پہ کوہ غم ٹوٹا تو کیا غم ہے
کہ خونِ صد ہزار انجم سے ہوتی ہے سحر پیدا

 

نعیم بھائی بس اتنا ہی کہوں گا کہ کچھ تعلق توڑنے سے ٹوٹا نہیں کرتے اور کچھ لوگ بھلانے سے بھولا نہیں کرتے۔
اللہ تعالی آپ کو ہمیشہ اپنے فضل اور رحمت کے سایہ میں رکھے، اور بہت زیادہ خوش رکھے، آمین
علامہ اقبال کا ایک شعر یاد آگیا وہ بھی لکھ رہا ہوں۔

اگر عثمانیوں پہ کوہ غم ٹوٹا تو کیا غم ہے
کہ خونِ صد ہزار انجم سے ہوتی ہے سحر پیدا
[/quote:32jia2zp]

نعیم بھائی،!!!!!

السلام علیکم،!!!!!

آپ کو سب بہت یاد کررھے ھیں، اور ھر ایک نے آپکے ھمارے ساتھ نہ ھونے کی وجہ سے اپنے جذبات کا اظہار بھی کیا ھے، اور انتظامیہ سے بھی درخوست کی ھے، اور میری آپ سے بھی درخوست ھے کہ آپ بھی اپنے فیصلے پر نظر ثانی کیجئے، اپنوں میں رہ کر کچھ تھوڑی بہت اونچ نیچ ھو ھی جاتی ھے، چاھے کوئی کچھ بھی کہے،!!! آپکا احترام ھم سب کے دلوں میں اپنا ایک مخصوص مقام رکھتا ھے، اور چاھے آپ کچھ بھی کہتے رھیں، لیکن یہ مجھے یقین ھے کہ آپ ھماری اردو کی پیاری محفل کو کبھی بھی نہیں چھوڑ سکتے، اور نہ ھی آپ اسکی ھر لڑی کو پڑھے بغیر رہ سکتے ھیں،!!!!!!
اس امید کے ساتھ کہ آپ پھر سے ھماری پیاری اردو کی ھر لڑی کی رونق بن جائیں، اور اجازت چاھوں گا پھر سے ملنے کیلئے،!!!!!
خوش رھیں،!!!!!!!!!!

 

واہ واہ نعیم بھائی، کیا بات ہے۔ کیا خیال ہے، مہمان خانے میں ہی نہ مشاعرہ شروع کر لیں؟

جواباً عرض ہے

اٹھا ہے کون، کہ میخانہ تھم گیا ہے نوید
گیا ہے کون، کہ ساقی بھی راستہ دیکھے

 

وعلیکم السلام نعیم بھائی۔۔۔

آپ کے جذبات قابلِ قدر ہیں۔۔۔

امید ہے کہ انتظامیہ جلد آپ کو بحال کر دے گی۔۔۔انشاء اللہ۔

اپنا بہت زیادہ دھیان رکھیں۔۔۔انشاء اللہ جلد ملاقات ہوگی۔۔۔

 

اپ کا پیغام پڑھ کر بہت خوشی ہوئ
شکر ہے آپ کا پیغام مہمان خانے میں ‌ہی آیا
مجھے لگتا ہے انتظامیہ ہماری درخوست کو رد نہیں کرے گی اور اپ پہلے کی طرح جلد ہی ہمارے ساتھ ہوں گے :flor:

 

السلام علیکم دوستو !

محترم و مکرم عبدالرحمن سید بھائی۔ پیارے ساگراج بھائی ۔ پرخلوص بھائی ہارون رشید۔ اچھی بہنا لاحاصل ۔ مردِ زندہ دل این آر بی بھائی۔ چاند سے بھیا کاشفی ، جناب وسیم صاحب اور منتظمِ اعلی عبدالجبار صاحب سمیت دیگر تمام دوست جنہوں نے کسی بھی لڑی میں مجھے یاد کیا۔ میں آپ سب کا بہت ہی دلی طور پر ممنون و شکرگذار ہوں۔ اللہ تعالی کا لاکھ لاکھ شکر ہے کہ جس نے اپنی بندگی اور اپنے حبیب مکرم صلی اللہ علیہ وسلم کی غلامی کے صدقے ہم سب کو محبت و خلوص کی لڑی میں یکجا کرکے ہمارے دلوں میں اتنی پاکیزہ الفت رکھ دی ہے۔

آپ سب لوگ بہت ہی پیارے اور اچھے ہیں۔ شاید میں ہی اس قابل نہ تھا کہ آپ کی محبتوں کو سمیٹ سکتا ۔ جبھی تو آپ لوگوں سے دور کر دیا گیا۔ وگرنہ آپ جیسے نیک سیرت، صاف و پاکیزہ قلب اور اعلی ذہنیت کے حامل دوستوں کی بزم سے دور ہونا میرے خیال میں سوائے بدقسمتی کے اور کچھ نہیں۔۔۔ لیکن میرے دل سے آپ سب کے لیے ہمیشہ اور بےتحاشہ دعائیں نکلتی رہتی ہیں اور نکلتی رہیں گی انشاءاللہ العزیز۔
+++++++++++++
میں انتظامیہ سمیت آپ سب سے معافی کا بھی خواستگار ہوں کہ خدارا مجھ سے بتقاضائے بشریت جانے انجانے جو جو خطائیں ہوگئیں ہیں۔ اگر کسی کی دل آزاری ہوگئی ہو۔ یا انتظامی قواعد و ضوابط کی اگر خلاف ورزی ہوئی تو میں تہہ دل سے معافی مانگتا ہوں۔ میری نیت اس فورم کا ماحول خراب کرنے کی کبھی نہ تھی اور نہ ہی میں ایسا سوچ سکتا ہوں۔ ہماری اردو پیاری اردو کا فورم تو بس جیسے ایک Passion بن گیا تھا۔

اللہ تعالی اس فورم کو ہمیشہ ترقی و کامیابی سے ہمکنار کرے اور اسکی رونقوں میں مزید اضافہ فرمائے۔ اور آپ سب دوستوں کو اپنی چادرِ رحمت کے سائے میں ہمیشہ سلامتی، عافیت اور مسرتیں عطا فرمائے۔ آمین

والسلام

 

نعیم بھائی آپ کے جذبات واقعی قابل ستائش ہیں۔ اللہ تعالی ہمارے اس پیار اور محبت کے تعلق کو سدا قائم رکھے، آپ کو ہمیشہ اپنے فضل و کرم کے سایہ میں رکھے، اور بہت زیادہ خوش رکھے، آمین ثم آمین

آج فیض صاحب کی شاعری پڑھ رہا تھا تو یہ چند اشعار ملے ہیں، جو آپ کی نذر کر رہا ہوں۔
درد تھم جائے گا، غم نہ کر ، غم نہ کر
یار لوٹ آئیں گے، غم نہ کر ، غم نہ کر
دل ٹھہر جائے گا، غم نہ کر ، غم نہ کر
زخم بھر جائے گا، غم نہ کر ، غم نہ کر
دن نکل آئے گا، غم نہ کر ، غم نہ کر
ابر کھل جائے گا، غم نہ کر ، غم نہ کر
رات ڈھل جائے گی، غم نہ کر ، غم نہ کر
رت بدل جائے گی، غم نہ کر ، غم نہ کر

 

اسلام علیکم نعیم بھائی

میری دانست میں آپ نے یہاں کوئی غلطی نہیں کی جس پر آپکو معافی مانگنے کی ضرورت محسوس ہو بحرحال کسی بھی فورم کی انتظامیہ انتظامی معاملات کو خوب سمجھتی ہے ۔ ۔ ۔ جہاں تک ہماری اردو کے لیے آپ کے جزبات کا تعلق ہے تو آپ کے جذبات کے ساتھ ساتھ ہماری اردو کے لیے آپ کی خدمات بھی ناقابل فراموش ہیں اور ان میں آپ کا کوئی بھی ثانی نہیں ہوسکتا بحرحال انتظامیہ کا آپ کے معاملے کو زیر غور لانا میرے نزدیک ایک خوش آئند عمل ہے ۔۔ باتیں کرنے کو بہت سی ہوسکتی ہیں فقط اتنا عرض کروں گا مجھے آپ کی واپسی کا شدت سے انتظار ہے ۔۔ والسلام آپ کا خیر اندیش عابد عنائت

 

وعلیکم السلام نعیم بھائی۔۔۔

اللہ رب العزت آپ کو اور آپ کے گھر والوں کو ہمیشہ خوش و خرم رکھے۔۔۔۔آمین۔۔

وہ تھا تو ذکرِ عشق و محبت میں تھا مزا
اب وہ نہیں تو لطف نہیں ہے نباہ میں

 

السلام علیکم نعیم بھائی !
ہم سب آپ کی واپسی کے منتظر ہیں۔ بلکہ یوں کہہ لیں کہ ہم سب نے تجاویز و شکایات کی لڑی میں آپکی بحالی کے لیے اجتماعی درخواستیں بھی انتظامیہ کو پیش کی ہیں۔ اور محترم منتظمِ اعلی حماد صاحب نے ہماری اردو کے صارفین کی کثرتِ رائے کے پیش نظر منتظمین کی میٹنگ بلانے اور آپکا معاملہ زیرغور لانے کا وعدہ بھی کیا ہے۔ انشاءاللہ امید ہے کہ مثبت نتیجہ نکلے گا

فی الحال صرف ایک شعر پر اجازت چاہوں گی

خزاں رکھے گی درختوں کو بے ثمر کب تک
گذر ہی جائے گی یہ رت بھی حوصلہ رکھنا​

اللہ نگہبان

 

ہیںںںںںںںںںںںںںںں / یہ کب اور کیسے ہوا؟ میری غیر موجودگی کا یہ فائدہ اٹھا لیا آپ لوگوں نے

 

سلام آنٹی ۔ آپ کہاں تھی اتنے دن ؟
آپکی غیر موجودگی میں بہت سی خوشگوار و ناخوشگوار تبدیلیاں آئی ۔ پہلے آپ یہ لنک دیکھیےجس میں نعیم صاحب پر پابندی کا فیصلہ کیا گیا ۔۔۔
viewtopic.php?f=2&t=4493

اور اسکے بعد یہ لنک دیکھیے جس میں ہم سب صارفین انتظامیہ سے نعیم صاحب کی بحالی درخواست کر رہے ہیں
viewtopic.php?f=2&t=4540&start=0

آپ بھی انتظامیہ کو بولیں نا۔ ہمارے مطالبے میں وزن بڑھ جائے گا پلیز۔۔۔

 

ارے مسز مرزا جی،!!!!
آپ اتنے عرصے کہاں غائب رھیں،؟؟؟؟؟؟؟
کچھ یہاں کی خبر بھی نہیں لی، اب شکر ھے کہ ھم سب کی محبتیں انشااللٌہ دوبارہ نعیم بھائی کو یہاں کھینچ لائیں گی،!!!!!!
خوش رھیں،!!!!!

 

پیارے ہارون بھائی ! السلام علیکم
میں آپ لوگوں سے دور کیسے رہ سکتا ہوں۔
روزانہ کچھ وقت نکال کر آتا ہوں۔
اچھا میں آپکو اپنے مشاہدے اور یادداشت کی کچھ جھلکیاں‌دکھاتا ہوں

سید بھائی کی کہانی رمضان کی وجہ سے رکی ہوئی ہے
ساگراج بھائی ۔ اپنی اعلی ادبی ذوق کے مطابق شعر و شاعری اور گپ شپ میں رونقیں لگائے ہوئے ہیں۔
آپ بھی گپ شپ میں کافی متحرک ہیں ۔ ماشاءاللہ۔ (مجھے یاد بھی کرتے رہتے ہیں)
خوشی جی نے بھی کہیں کہیں مجھے یاد کیا ہے۔ (حالانکہ میں انہیں‌جانتا تک نہیں)
مجیب منصور بھائی کچھ دن کی غیر حاضری کے بعد پھر باقاعدہ ہوگئے ہیں (ماشاءاللہ)
عبدالجبار بھائی اعتکاف پر چلے گئے ہیں
اور زاہرا جی آجکل اپنی ذمہ داری کافی دل جمعی سے ادا کررہی ہیں۔
نور جی نے خوش آمدید کہنے کا کام سنبھال لیا ہے۔
مریم جی بھی کچھ دنوں سے غائب ہے۔۔۔۔ (اللہ تعالی اپنی حفظ و امان میں رکھے۔ آمین)

اب یقین آگیا کہ میں آپ لوگوں سے جدا نہیں ہوا ؟

اللہ تعالی ہماری اردو کی اس خوبصورت بزم اور اسکے وابستگان کو سلامتی اور کامیابی دے اور اس بزم کو ہمیشہ ہنستا مسکراتا رکھے۔ آمین

دعاؤں میں یاد رکھا کریں۔ شکریہ

اللہ حافظ

آپ سب کو بہت یاد کرنے والا۔۔۔۔۔۔۔ محمد نعیم رضا

 

آجا کہ ابھی ضبط کا موسم نہیں‌ گزرا
آجا کہ پہاڑوں پہ ابھی برف جمی ہے
خوشبوکے جزیروں سے ستاروں کی حد تک
اس شہر میں سب کچھ ہے بس تیری کمی ہے

اللہ آپ کو ہمیشہ خوش رکھے، آمین ثم آمین

 

آجا کہ ابھی ضبط کا موسم نہیں‌ گزرا
آجا کہ پہاڑوں پہ ابھی برف جمی ہے
خوشبوکے جزیروں سے ستاروں کی حد تک
اس شہر میں سب کچھ ہے بس تیری کمی ہے

اللہ آپ کو ہمیشہ خوش رکھے، آمین ثم آمین
[/quote:1uz03yo0]

آمین ثم آمین

 

ارے میں نے کب یاد کیاااااااااااااااااااا میرے نام ایسے ھی :131:

 

چاچو نعیم میں بھی آپ کو بہت یاد کرتا ہوں۔ لیکن آپ نے میرا نام ہی نہیں‌لیا :rona: