ہماری اردو اپنے زوال کی جانب گامزن

السلام علیکم ورحمۃ اللہ

نہایت افسوس سے کہنا پڑ رہا ہے کہ ہماری اردو ایک لاوارث فورم بنتا جارہا ہے جس کا کوئی والی وارث نہیں ہے۔ آج ایک بار پھر (جی ہاں چند ہفتے قبل بھی ایسا سانحہ ہوچکا ہے اور اب پھر دوبارہ ) تقریباً گذشتہ 13 دنوں کا ڈیٹا غائب ہو گیا ہے۔ اور کسی منتظم کی طرف سے کسی طرح کی کوئی وضاحت یا اکتاہٹ سامنے نہیں آئی۔

اللہ خیر کرے

 

مجھے بھی افسوس کے ساتھ کہنا پڑ رھا ھے کہ میری تحریر کی ھوئی یادوں کی پٹاری کے آخری لڑی کا حصہ اچانک غائب ھو گیا ھے،!!!!

 

میں نے بھی بہت بار یہ پوچھنے کی جسارت کرنے کی کوشش کی کہ اس سائٹ کا کوئی والی وارث بھی ہے یا یہ اللہ کے آسرے پر چلی جا رہی ہے۔ لیکن ہر بار یہ سوچ کر خاموش رہا کہ چل تو رہی ہے نا۔ لیکن اب تو اس کی شاید ہائی جیکنگ بھی شروع ہو چکی ہے۔
میں اس سائٹ کا اس وقت سے ممبر ہوں جب یہ نئی نئی وجود میں آئی تھی تب تو کبھی کبھار کسی ایڈمن وغیرہ کا ظہورِ پُر نُور ہو جایا کرتا تھا لیکن اب تو شاید کسی ناکام عاشق کے مزار کی مانند اپنا نام و نشاں بھی خفیہ رکھنے کی پالیسی اپنائے ہوئے ہیں۔
براہِ مہربانی اس سائٹ کے کرتاؤں دھرتاؤں سے رابطے اور ان کے تھاں ٹھکانے کی کوئی سبیل کریں۔

 

3 اکتوبر کے بعد کے سارے پیغامات سرے سے ھی غائب ھیں،!!!!!

 

میں تو بالکل نان-ٹیکنیکل سا آدمی ہوں۔
لیکن پھر بھی اگر ہماری اردو کے کسی کام آ سکوں‌تو مجھے خوشی ہو گی۔

 

شکریہ

مجھے افسوس اس بات کا ھے کہ جو کچھ بھی میں نے اس دوران لکھا تھا، وہ میں کہیں بھی محفوظ نہیں کرسکا، ھم تو اپنے پڑھنے والوں کے شوق اور پسندیدگی کو مدنظر رکھتے ھوئے اس ھماری پیاری اردو کی بارونق محفل میں اپنی ھر ممکن کوشش کرتے ھیں، کہ زیادہ سے زیادہ ھمارے اردو کے شائقین اس کے ممبر اور مہمان استفادہ حاصل کرسکیں، ھم لکھنے والے تو کوئی ٹیکنیکی کمپیوٹر کے ماھر نہیں ھیں، بس آپ لوگوں سے جو کمپیوٹر کی تکنیک سے واقف ھیں، صرف درخواست ھی کرسکتے ھیں، !!!!!!

میں ان تمام لوگوں کا ممنون اور مشکور ھوں جنہوں نے ھمیں اردو میں لکھنے کی سہولت سے آشنا کرایا، اور ھمارے اردو لکھنے کے شوق کو اپنی اس اردو کی محفل میں جگہ بھی دی، !!!!!!!

شکریہ اور خوش رھیں،!!!!!

 

السلام علیکم ورحمتہ اللہ وبرکاتہ
امید ہے کہ سب خیریت سے ہونگے

ایسا ہے کہ یہاں جو گفتگو کی جا رہی ہے کہ ہماری اردو اپنے زوال کی جانب جا رہی ہے
اس میں کوئی شک نہیں‌واقعی دن بدن اس کے صارفین اور ایکٹو صارفین کی تعداد میں کمی ہو رہی ہے ، ہر کسی کی اپنی مصروفیات ہوتی ہیں ان میں کوئی شک نہیں‌لیکن پھر بھی ہمیں کوشش کر کے ہفتہ میں کم از کم ایک گھنٹہ لازمی دینا چاہیے تاکہ فورم پر تھوڑی بہت بات چیت جاری رہے ۔۔۔۔

اس زوال کی ایک اور وجہ جو میرے ذہن میں ہے وہ اس میں نت نئے جو ایروز ERRORS اور اس کی کم سپیڈ بھی ہے ۔۔۔۔۔۔ خیر اس بارے ایڈمن بہتر رائے اور فیصلہ دے سکتے ہیں ۔۔۔


خوش رہیں‌

 

میں اس عظیم فورم کے منتظمین کی طرف سے اس اعتماد پر دل کی گہرائیوں سے شکریہ ہی ادا کرسکتا ہوں۔ کیونکہ میں نکما آدمی ہوں۔ صرف کی-بورڈ پر انگلیاں مار لیتا ہوں۔
گو کہ میں ہر خدمت کے لیے حاضر ہوں۔

لیکن میرا ذاتی خیال ہے کہ آپ مجھ سے بہتر اور ہنرمند صارفین کو بھی ایک بار ٹرائی کر لیں۔ اگر وہ مل جائیں تو اور بھی اچھا ہے۔۔ ورنہ میں تو یہیں ہوں۔

 

اس لڑی کو دیکھ کر آپ سب کی مردانگی اور مردانہ وار حوصلے پر دل خون کے آنسو رو پڑا اور بے اختیار علامہ اقبال کے اشعار یاد آگئے۔

آپ کے لیے یہاں بھی عرض کئے دیتی ہوں ۔ شاید کہ اترجائے تیرے دل میں میری بات

تندیء بادِ مخالف سے نہ گھبرا اے عقاب
یہ تو چلتی ہے تجھے اونچا اڑانے کے لیے

اور یہ بھی یاد رہے

ارادے جن کے پختہ ہوں نظر جن کی خدا پر ہو
تلاطم خیز موجوں سے وہ گھبرایا نہیں کرتے​

اگر آپ سب کو ہماری اردو سے واقعی پیار ہے تو آئیے عہد کریں کہ اس فورم کی بہاروں میں‌اضافے کے لیے باقاعدگی سے اپنا اپنا کردار ادا کرتے رہیں گے۔ انشاءاللہ

 

الحمدللہ ۔ ہماری اردو کی انتظامیہ اور خیرخاہوں کو بیدار کرنے کی میری کوشش رائیگاں نہیں گی۔

 

اچھا تو یہ لڑی ایک ہماری اردو کی خیرخواہی کی “عالمی سازش“ کے تحت شروع کی گئی تھی ؟؟

لیکن عقرب صاحب آپ کا بہت شکریہ کیونکہ آپ کی تنقید سے ہماری اردو کی تعمیر نو کی طرف کچھ نہ کچھ پیش رفت ہوتی نظر آ رہی ہے۔

 

میری بھی یہی کوشش ھے کہ ھر وقت اپنے پیارے ساتھیوں سے مخاطب رھوں، اس وقت بھی زیر علاج ھوں، مگر کچھ نہ کچھ لکھ کر آپ سب کے سامنے رھتا ھوں،!!!!

خوش رھیں اور ھمیشہ مسکراتے رھیں،!!!!

 

عزم نو اور تجدید عہد کی اچھی کوشش ہے۔ ہم سب کو اس رنگارنگ بزم کو جاری رکھنے اور اس کی رونقیں بڑھانے میں اپنی اپنی ذمہ داری ادا کرنا چاہیئے۔

لاحاصل، سعدیہ، ہارون، سموکر وغیرہ سے بھی گذارش ہے کہ تھوڑا بہت وقت ہماری اردو کو ضرور دیں۔ شکریہ

 

سبھی ساتھیوں کو روزانہ کی بنیاد پر ضرور وقت دینا چاہئے۔ پھر جا کر اس کی حالت تبدیل ہو گی۔

 

اس درخواست میں محترم شیرافضل صاحب کا نام بھی شامل کرتی ہوں جو کہ ہماری اردو کے بہت ہی سنئیر اور دلچسپ صارف ہیں۔

 

اس درخواست میں محترم شیرافضل صاحب کا نام بھی شامل کرتی ہوں جو کہ ہماری اردو کے بہت ہی سنئیر اور دلچسپ صارف ہیں۔[/quote:34ulyt9m]

ملت کے ساتھ رابطہ استوار رکھ
پیوستہ رہ شجر سے امید بہار رکھ​

 

آپ لوگوں کے جذبے اور لگن کی بدولت واقعی ہماری اردو کی رونقیں واپس لوٹ رہی ہیں۔

ماشاءاللہ