ہماری اردو - انٹرنیٹ سے آگے(سلسلے ملاقاتوں کے)

پہلے تو کمال کا کیمرہ ہوتا تھا

 

اور اب کیمرے کمال دکھاتے ہیں

 

راشد آج کل پنڈی می ہی ہے

 

گزشتہ سے پیوستہ

ذکر اس پری وش کا، اور پھر بیاں اپنا

جی ہاں غالب کے بغیر گزارا نہیں۔۔۔۔کہ تیسرے قسط کے ابتداء میں ہی ایک مصرعہ پیش خدمت کیا ہے کہ روداد احباب ہماری اردو کا سیر لاہور لے کر طویل غیر حاضری کے بعد حاضر ہوا ہوں۔۔۔۔گوکہ ارادہ ہر بار یہی کرتے ہیں کہ بس بہت ہوگیا۔۔۔اب تسلسل کے ساتھ لکھیں گے مگر


دنیا نے تیری یاد سے بیگانہ کر دیا
تجھ سے بھی دلفریب ہیں غم روزگار کے


مگر ہم ہیں کہ سیر لاہور کی یادوں کو سینے میں آباد کیے سینچ رہے ہیں کہ زیب ہماری اردو تو انشاء اللہ ضرور بنائیں گے۔۔۔۔۔سو حاضر ہو ہی جاتے ہیں۔۔۔۔اس کے علاوہ حاضری سے زیادہ دل و دماغ کو اس پر آمادہ کرنا کہ کچھ لکھا جائے۔۔۔۔۔یہ زرا مشکل کام ہوتا ہے۔۔۔۔۔مگر وہ بھی آخر کار ہوہی جاتا ہے۔۔۔۔۔یعنی اس قدر بہانوں سے نمٹنے کے بعد کہیں جاکر چند جملے لکھ کر آپ سب کی خدمت میں ارسال کرنے کے قابل ہوجاتے ہیں۔

لاہور جانے کی تیاری مکمل ہے۔۔۔۔۔۔۔۔جی ہاں۔۔۔۔ہماری تیاری ہوتی ہی کیا ہے۔۔۔۔۔۔۔ڈاکٹر آصف کی گاڑی میں سیٹ پہلے سے بک کرواؤ اور وقت مقررہ پر پہنچ جاؤ۔۔۔۔اگر سوبھی گئے تو ڈاکٹر صاحب جگاتے ہیں۔۔۔صدیقی بھائی سے پوچھ لیں۔۔۔جب بھی ساتھ آئے ۔۔۔سوتے سے جگانا پڑتا ہے اور سوتے ہوئے سکون سے سفر کرتے ہیں۔۔۔۔۔اللہ کریم انہیں خوش رکھے۔۔۔بلکہ جگانے کے لیے سرہانے میر کے ہم آہستہ کورس کی صورت میں دعائیا کلمات کہتے ہیں۔۔۔۔اور آخر کار ہماری دعائیں رنگ لاتی ہیں۔۔۔۔۔۔۔۔۔۔یوں سفر باقاعدگی سے شروع ہوجاتی ہے۔ ۔۔۔۔۔۔ شام کو ڈاکٹر صاحب کا فون آیا کہ صبح پانچ بجے تیار رہو۔۔۔۔بلکہ تیار کیا۔۔۔۔مقررہ جگہ پر آجاؤ۔۔۔جو کہ ہمارے گھر سے تقریبا نو کلومیٹر دور ہے۔۔۔۔۔۔۔مگر رات کو پھر فون آیا کہ نہیں ۔۔۔۔چار بجے آجاؤ۔۔۔۔۔یعنی منہ اندھیرے میں۔۔۔۔۔۔۔۔یوں ہم منہ اندھیرے چار بجے سے بھی پہلے پہنچ گئے ۔ ۔ ۔ آخر کار ڈاکٹر صاحب بھی آگئے۔۔۔۔۔معلوم ہوا کہ ڈاکٹر اسحاق کو بھی ان کے گھر سے ساتھ لینا ہے جو کہ قریب ہی ہے۔۔۔۔سو وہیں چلے اور ان کے محلے کے صدر دروازے پر جاکر ہارن بجانے مگر آہستہ سے۔۔۔۔شروع کیے۔۔۔۔۔۔ویسے آہستہ اور تیز ہارن کیسے بجایا جاتا ہے۔۔۔یہ تو ڈاکٹر آصف ہی بتا سکتے ہیں۔۔۔۔۔ اس کے بعد کچھ دیر مزید چلے تو اے ٹی ایم مشین کے چکر میں ڈاکٹر صاحب نے ایک جگہ پر موجود تمام بنکوں کے مشینوں کی پڑتال شروع کی۔۔۔۔مگر جیسا کہ آپ جانتے ہیں۔۔۔۔کہ وہ ٹس سے مس نہیں ہوئے۔۔۔۔۔۔مگر داد دیتا ہوں ڈاکٹر صاحب کو ۔۔۔۔کہ لگے رہے اور آخر میں آخری مشین نے ان سے کچھ مکالمہ کیا کہ میر کاروان نے روانگی کا مخصوص اشارہ موسیقی کے دریچوں کو ہماری سماعتوں پر واں کیا اور یوں ہم سمجھ گئے کہ اب خواجہ حیدر علی آتش کی زبان میں:

سفر ہے شرط مسافر نواز بہتیرے
ہزار ہا شجرِ سایہ دار راہ میں ہے
بس موٹر وے کا سفر ہو۔۔۔۔۔۔ٹھنڈی ٹھنڈی گاڑی ہو۔۔۔۔ہم زکام میں مبتلا ہوں۔۔۔۔۔۔بس کچھ لمحات اور چند کلومیٹر کا سفر کیا کہ چھینکوں کے اس قدر دور چلے کہ ہم نے مزید گنتی سے اس لیے پرہیز کیا کہ زہن پر بوجھ نہ ہو۔۔۔۔۔۔مگر ڈاکٹر اسحاق بڑے ڈرتے رہے۔۔۔۔۔اور گاڑی کی ٹھنڈک کو بھی گاہے بگاہے کم کرتے رہے۔۔۔۔۔۔مگر ہم ان تمام چیزوں سے ماورا ۔۔۔۔۔بس نعرہ چھینک مارتے رہے اور آنکھ و ناک میں پانی کا ٹھاٹھیں مارتا سمندر بساتے رہے۔۔۔۔۔۔۔آخر کار بلال بھائی کو لینے بھیرہ انٹرچینج سے اتر کے ملکوال کے راستے پر ہولیے۔۔۔۔۔۔۔۔جی ہاں الکرم صاحب سے بھی ملنا تھا۔۔۔۔۔۔۔۔۔بس رکے تو ریل کے پھاٹک پر رکے کہ ریل گاڑی سنا ہے کہ اب وقت پر چلنے لگے ہیں۔۔۔۔جس یہ اطلاع الکرم صاحب کو دی تو وہ بھی حیران و پریشان کہ یہ کیا ہے۔۔۔۔۔۔کہ ریل کا پھاٹک بند ہے۔۔۔۔یعنی ریل گاڑی ملکوال سٹیشن پر موجود ہے۔۔۔۔۔۔اگر خوش ہوئے تو بلال بھائی کہ انہیں تو سٹیشنوں پر سونے کا خاص تجربہ ہے۔۔۔۔اور یہ تجربات دہرانا کہ جس میں سونے کا جز اعظم ہو۔۔۔۔ان کے لیے بائیں ہاتھ کا کھیل ہے۔۔۔۔بلکہ آنکھوں کی پلکوں کو جھپکنے کا کھیل ہے۔۔۔۔۔۔۔۔کیوں بلال بھائی؟ ۔۔۔۔بس کچھ ہی دیر میں ہم الکرم صاحب کے در دولت پر تھے۔۔۔۔۔۔ہم تھے اور الکرم صاحب کی محبت و شفقت تھی کہ ہم تو ہمیشہ ہی نہال ہوتے ہیں۔۔۔۔۔مگر آفرین ہے کہ الکرم صاحب پہلے سے بڑھ کر گرم جوشی و شفقت کے دریا بہا دیتے ہیں۔۔۔۔۔۔۔آپ کے ساتھ بیٹھ کر وقت گزرنے کا احساس اور بلال بھائی کا حسب حال دیر سویر کرنا ۔۔۔سب کچھ بھول جاتا ہے۔۔۔۔۔۔ بقول گلرزا دینا والے کے:
کتنے برسوں سے کتنی صدیوں سے
جئے جاتے جئے جاتے ہیں
یہاں تک بہترین ناشتہ اور دودھ پتی پینے کے بعد ہم ہوش میں آئے کہ زکام کی وجہ سے ہم پر تو ویسے بھی غنودگی طاری تھی اور پھر الکرم صاحب کے میٹھے لہجے اور آپ کی صحبت نے تو بس ہمیں مسحور ہی کردیا۔۔۔۔۔۔۔۔۔۔ہم کچھ ہلے جلے اور بلال بھائی کو یاد کرنے لگے کہ انہیں ساتھ لے کر نکلا جائے۔۔۔۔۔آخر کار بلال بھائی کو ساتھ لیا اور الکرم صاحب کی محبت کو سینے میں بسایا اور ملکوال کے صدر بازار سے گزرتے ہوئے اب کے کھلے ہوئے پھاٹک ۔۔۔شاید۔۔۔۔کچھ یاد نہیں آرہا کہ کہیں بند نہ ہو۔۔۔۔دیگر احباب شاید درستگی کریں۔۔۔۔۔سو چل پڑے۔۔۔۔۔۔راستے میں بھی ایک جگہ رک کے ۔۔۔۔۔۔۔پیپسی پی لیا۔۔۔۔۔جی ہاں ۔۔۔زکام شدید ہو۔۔۔۔ٹھنڈی گاڑی ہو۔۔۔۔۔۔اور پھر پیپسی کا تڑکہ۔۔۔۔۔یعنی سامان ہم مہیا کیے جارہے ہیں۔۔۔۔۔اور برداشت بھی کیے جارہے ہیں۔۔۔۔۔علاج تو بزم خیال بھائی کے پاس ہے۔۔۔۔۔۔سو علاج کا ذکر تو آگے آئے گا۔۔۔۔جب ہم لاہور پہنچیں گے۔۔۔۔۔۔اس لیے ابھی تک تو بس برداشت کیے جارہے ہیں کہ اس کے سوا کوئی چارہ بھی نہیں۔۔۔مگر ھارون بھائی اپنے جمبو سائز فون سے فون پر فون بھی کیے جارہے ہیں کہ کہاں ہو۔۔۔۔۔اور ہمارا ایک جواب کہ بس پہنچنے والے ہیں۔۔۔۔۔آخر کار واصف بھائی نے فون کیا کہ بتابھی دو کہ کہاں ہو۔۔۔۔۔بتادیا کہ مزید دو گھنٹے لگیں گے۔۔۔۔سو چل پڑے۔۔۔۔اور چلتے رہے ۔۔۔۔۔آخر کار لاہور آگیا۔۔۔۔۔کہ دیگر قافلے محمود بھائی کے ہاں موجود تھے اور محفل شعر و سخن خوب زوروں پر تھی۔۔۔۔۔اور ہم بس سفر ہی کرتے رہے۔۔۔۔۔۔۔یہاں تک کہ مطلوبہ جگہ سے کچھ آگے ہی نکل گئے۔۔۔۔۔۔۔۔۔۔اور لگے دیکھنے کہ اب کیا کیا جائے؟
جاری ہے۔۔۔۔۔۔۔۔

 

پھر کیا ہوا ۔۔۔۔۔؟؟؟؟

 

پھر کیا ہوا ۔۔۔۔۔؟؟؟؟

 

بس کچھ اور انتظار

 

لیکن زیادہ دیر نہیں

 

محبوب خان چاچو ! آئیندہ کبھی ایسے واقعات و حالات پیش آئیں تو ٹھندی ٹھار بلکہ یخ جمبو سائز کی کوک لیکر ڈاکٹر چاچو کی گاڑی کی چھت پر بیٹھ جائیے گا اور دوران سفر چھت پر ہی بیٹھے بیٹھے ، گھونٹ گھونٹ کوک پیتے اور بررررررررررررر کرتے رہے گا ، زکام کا اس سے اچھا علاج آپ کو چاچا جی تو کیا وڈے چاچا جی بھی نہیں بتاسکتے ۔

 

اندر کا موسم باغ و بہار ہوگیا اب دیکھیں محبوب بھائی لاہور والوں کیساتھ کیا کرتے ہیں

 

یعنی آپ چاہتے ہیں کہ اب ہماری اردو کی اس طرح کے محفلوں میں بطور مریض کوک پیتے پیتے شرکت کریں۔۔۔۔سوچ لیں بھتیجے پھر روداد لکھنے کے لیے آپ کو شرکت کرنی پڑے گی ۔۔۔اگر اس کام کے لیے آپ راضی ہوجائیں تو ڈاکٹر آصف پھر ممکن ہے کوئی ٹرک وغیرہ لائے تاکہ ہم پھر ہوا خوری بھی زرا بہتر انداز میں ہو۔

 

چاچو ! صرف کوک نہین ، بلکہ ٹھنڈی ٹھار ، یخ کوک اور وہ بھی گاڑی کی چھت پر بیٹھ کر ۔ ۔ ۔
اور ہاں ، بُرررررررررررررررررررررر بھی کرنا ہے ۔ ۔ ۔
اور مریض ہوں آپ کے دشمن ۔ میں چاچی جی ( اگر کوئی ہیں ) کی بات نہیں کر رہا ۔ ۔ ۔

 

گذشتہ کل لاہور جانا ہوا محترم @بزم خیال صاحب کافون ابھی بجنے نہیں لگا ہے ، جہاں ہم نے جانا تھا وہاں @عطاءالرحمن منگلوری صاحب تھے ہم نے موقع کو غنیمت جانا ان کی صحبت سے فیض یاب ہوگئے آپ سب کی اور فورم کی باتیں ہوتی رہیں

تفصیلات یہاں موجود ہیں

 

یہاں کہاں؟

 

یہ پڑھ کر میں بھی پریشان ہو گیا ہوں

 

آصف احمد بھٹی جی آپس کی بات ہے سچی بتائیں یہ بُرررررررررررر کرنا اپ نے کہاں سے سیکھا۔۔۔۔۔ہاہا
ویسے مجھے ملک بلال جی پہ شک ہو رہا۔۔۔۔ہاہا

 

ہاہا۔۔۔۔۔۔۔۔۔۔۔۔۔