ہر منصوبے پر نواز شریف کی مہر لگی ہے: مریم اورنگزیب

ہر منصوبے پر نواز شریف کی مہر لگی ہے: مریم اورنگزیب
نواز لیگ کی ترجمان مریم اورنگزیب نے کہا ہے کہ ''ہر منصوبے پر نواز شریف کی مہر لگی ہے‘‘ کیونکہ ہر منصوبے میں ہر طرف خدمت ہی خدمت نظر آتی ہے اور خدمت کی شرائط کا بھی پورا پورا خیال رکھا گیا ہے؛ اگرچہ خدمت کی اس بھرمار کی وجہ سے مقدمات کا بھی سامنا کرنا پڑا ہے‘ لیکن جتنی خدمت انہوں نے جمع کر لی ہے‘ مقدمات کی تو اس کے آگے کوئی حیثیت ہی نہیں‘ جبکہ ہر منصوبے سے خدمت کی خوشبو آتی ہے اور دُور سے سونگھ کر جس کا اندازہ ہو سکتا ہے کہ یہ خوشبودار منصوبہ نواز شریف ہی کا ہے‘اس لیے اس پر مہر لگانے کی ضرورت ہی نہیں تھی‘ تاہم اب ایسا لگتا ہے کہ جیسے اس خدمت کے ایک بڑے حصے سے ہاتھ دھونا پڑیں گے‘ تا کہ ہاتھ ذرا صاف ہو سکیں‘ جبکہ زیر تجویز معاملے میں کمی بیشی ہی کا جھگڑا ہے‘ جو اُمید ہے کہ جلد ہی طے ہو جائے گا۔ آپ اگلے روز اسلام آباد میں میڈیا سے گفتگو کر رہی تھیں۔
سرخیاں ‘متن اور منتخب شعر و شاعری
ظفر اقبال
کے کالم سے انتخاب​