"ہر دم عروج و زوال دیکھا"

"ہر دم عروج و زوال دیکھا"​

چارہ گروں کا کمال دیکھا
دِل جو بگڑتا بحال دیکھا
چکـا چوند ہو گئیں آنکھیں
ایسا حُسن بےمثال دیکھا
آخر بُھولتے اُسے کیسے
ہر جا اُسی کا جمال دیکھا
گو! ہنس رہا تھا وہ وقتِ رُخصت
ہم نے ہنسی میں ملال دیکھا
اپنی زُباں کو خموش رکھا
گو ! ہر نظر میں سوال دیکھا
مد و جزر میں پھنسے تو پھر
باہر نکلنا محال دیکھا
کیسے بناتے مُقام کوئی!
ہر دَم عروج و زوال دیکھا
دِل کو اطاعت شعار رکھنا!
یارو بڑا ہی وبال دیکھا
دُکھ زندگی کے شمار کرنا
سُلطاں بہت ہی محال دیکھا۔
(سُلطاں)​

 

جواب: "ہر دم عروج و زوال دیکھا"

کیسے بناتے مُقام کوئی!
ہر دَم عروج و زوال دیکھا
دِل کو اطاعت شعار رکھنا!
یارو بڑا ہی وبال دیکھا
دُکھ زندگی کے شمار کرنا
سُلطاں بہت ہی محال دیکھا۔

واہ بہت خوب سلطان جی

 

جواب: "ہر دم عروج و زوال دیکھا"

سلطان بھائی ۔ آپ کے پاس تخیل کی قوت اور دولت بہت وافر ہے۔ ماشاءاللہ ۔
بہت خوب

 

جواب: "ہر دم عروج و زوال دیکھا"

خوشی جی اور نعیم جی ! آپ دوستوں کی رپلائی اور حوصلہ افزائی و ذرہ نوازی کیلئے جزاک اللہ۔ خوش رہیں آباد رہیں۔