ہر اک دل کے لیے راحت ، مرے سرکار کی چوکھٹ ۔۔محمد نور عالم نور مصباحی سہرساوی امبیکا پور

ہر اک دل کے لیے راحت ، مرے سرکار کی چوکھٹ
لٹاتی رہتی ہے رحمت ، مرے سرکار کی چوکھٹ

تری خوشبو ،تری زینت ، تری رفعت ، کا جگ قائل
تری پاکیزہ ہر خصلت ، مرے سرکار کی چوکھٹ

اسی کے قرب سے ملتی ہے نعمت دوجہانوں کی
دلاتی ہے بھری جنت ، مرے سرکار کی چوکھٹ

تمہاری خاک جو غازہ بنا کر مل لے چہرے پر
اسے مل جائے گی رفعت ، مرے سرکار کی چوکھٹ

مجھے اے کاش مل جاتے ترے ذرات پاکیزہ
چمک جاتی مری قسمت ، مرے سرکار کی چوکھٹ

نصیبہ لاکھ بگڑا ہو مگر دل کو یقیں ہے یہ
بدلتی ہے بری قسمت ، مرے سرکار کی چوکھٹ

تمنا ہے کسی دن آکے دیکھے تجھ کو طیبہ میں
مٹادے نور کی حسرت مرے سرکار کی چوکھٹ
----------
محمد نور عالم نور مصباحی سہرساوی امبیکا پور
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

ہر اک دل کے لیے راحت ، مرے سرکار کی چوکھٹ
لٹاتی رہتی ہے رحمت ، مرے سرکار کی چوکھٹ​

 

اسی کے قرب سے ملتی ہے نعمت دوجہانوں کی
دلاتی ہے بھری جنت ، مرے سرکار کی چوکھٹ​

 

نصیبہ لاکھ بگڑا ہو مگر دل کو یقیں ہے یہ
بدلتی ہے بری قسمت ، مرے سرکار کی چوکھٹ
​

 

تمنا ہے کسی دن آکے دیکھے تجھ کو طیبہ میں
مٹادے نور کی حسرت مرے سرکار کی چوکھٹ​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​