گل میں خوشبو تری، سورج میں اجالا تیرا (مظفر وارثی)

گل میں خوشبو تری، سورج میں اجالا تیرا
پائے ہر شے میں تجھے ڈھونڈنے والا تیرا
​

کس کی تعمیر و ترقی میں ترا ہات نہیں
لغزشِ پا کا مداوا تو کوئی بات نہیں
روک لے گرتی فصیلوں کو سنبھالا تیرا​

​

بے سفینہ بھی وہ لہروں پہ ٹھہر سکتا ہے
وہ ہر اِک راہِ حوادث سے گزر سکتا ہے
آسرا ہو جسے اللہ تعالٰی تیرا​

​

جو بہرحال نہ شاکر ہوں وہ کب ہیں تیرے
آزمائش کے طریقے بھی عجب ہیں تیرے
اور اندازِ کرم بھی ہے نرالا تیرا​

​

نہ تردد نہ تصنع نہ تکلف کوئی
جب کراتا ہے مُظؔفّر کا تعارف تیرا
شکر ہے پہلے وہ دیتا ہے حوالہ تیرا​

مجموعہِ حمد : الحمد​

 

اللہ تعالیٰ آپ کوبھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

السلام علیکم ورحمتہ اللہ وبارکاتہ
سبحان اللہ
بہت عمدہ
جزاک اللہ خیراً کثیرا​

 

وعلیکم السلام ورحمتہ اللہ وبرکاتہ
اللہ تعالیٰ آپ کو بھی جزائے خیر عطا کرے آمین​