گلشن عشق کی بہار حسین ۔ بلال رشید

گلشن عشق کی بہار حسین
دین احمد کے جانثار حسین
اپنا بھی الفت و مودت کا
تجھ سے رشتہ ہے استوار حسین؎؎
ہے رضائے بتول و حیدر پر
سب کی بخشش کا انحصار حسین
کس قدر مخلص و یقیں والے
تو نے پائے تھے خانثار حسین
رحمت کبریا سے ہوں میں بھی
تیری نسبت سے مالدار حسین
زندگی بھی کیا خدا کے لیے
فقر کو تو نے اختیار حسین
مجھ سے عاصی کا دل بھی رہتا ہے
یاد میں تیری بے قرار حسین
آج بھی سیدہ ہیں تربت میں
آپ کے غم میں سوگوار حسین
بحر اکبر صراط سے مجھ کو
تھام کر ہاتھ خود گزار حسین ہے
خلد میں یہ بلال مظطر بھی
کاش پائے ترا جوار حسین
بلال رشید​

 

[اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین