گلزارِ نبیﷺ کی تیرے جلووں سے پھبن ہے ۔۔ ارشد منیر نقشبندی

(سیدنا امامِ حسن المجتبى ) علیہ السلام
منقبت
گلزارِ نبیﷺ کی تیرے جلووں سے پھبن ہے
تو روحِ علیؑ ہے تو محمدﷺ کا بدن ہے

لاریب تو کل آلِ نبیؐ کا ہوا آدم
تو شاہِ عدن، شاہِ زماں شاہِ زمن ہے

یوسفؑ سے حسیں دوشِ رسالتؐ کا نگینہ
تو گلشنِ ہستی کا امیں جانِ چمن ہے

تو عکسِ نبیؐ خُلقِ نبیؐ تیرا ترانہ
فطرت ہے کریمانہ، حلیمانہ چلن ہے

تحبط ہوئے اعمال ہوا واصلِ دوزخ
جس دل میں ترے واسطے ذرّہ سی چُبن ہے

اے میری نمازوں کے دعاؤں کے محافظ
کوثر کے کنارے تجھے ملنے کی لگن ہے

کرتا ہوں منیر اُنؑ کی ثناء اُنؑ کی عطاء سے
ورنہ یہ مؤدت کا سفر خوب کٹھن ہے
-----
"ارشد منیر نقشبندی"
لندن
​

 

سبحان اللہ جزاک اللہ