گزاری زندگی ہم نے بنا سوچے بنا سمجھے----- برائے اصلاح

مفاعیلن مفاعیلن مفاعیلن مفاعیلن
گزاری زندگی ہم نے بنا سوچے بنا سمجھے
ہماری جاہلانہ عادتوں کو کوئی کیا سمجھے
--------------
نظر آتی نہیں خامی جسے اچھا سمجھتے ہیں
برائی دیکھ کر بھی ہم اسے اس کی ادا سمجھے
----------------
کسی کو گر ضرورت ہو اسے اترن ہی دیتے ہیں
جو کل دینے پہ قادر تھا اسے بھی اک گدا سمجھے
-------------
ورق چاندی کے دیکھے بس مگر حلوہ تو باسی تھا
پڑے تھے عقل پر پتھر جو اس کو ہم نیا سمجھے
--------------
ہماری مشکلوں میں جو ہمارے کام آیا تھا
اسے سمجھے کہ دشمن ہے اسے سب سے بُرا سمجھے
-----------
جسے روکو بُرائی سے وہ ہم سے روٹھ جاتا ہے
ہوا ایسا ہمارے ساتھ ہم کو دل جلا سمجھے
----------------
ہماری بات سن کر جب رہا وہ چُپ ، نہ کچھ بولا
بہت ناراض تھا ہم سے جسے اُس کی رضا سمجھے
----------
ہماری عقل کو سمجھو ذرا ارشد تسلّی سے
مرا جو خود کشی کر کے اسے رب کی رضا سمجھے
----------------

 

ماشاء اللہ بہت خوبصورت انکل
اللہ کرے زور قلم اور زیادہ

 

زنیرہ بیٹی السلام علیکم اور پسند کرنے کا شکریہ

 

وعلیکم السلام

اللہ جزائے خیر د ے
اللہ خوش و سلامت رکھے آمین