گرہ لگائیں شعر مکمل کریں

ایک بادشاہ کے سامنے چار آدمی بیٹھے تھے.

)1( اندھا )2( فقیر )3( عالم )4( عاشق.

بادشاہ نے یہ مصرعہ کہہ دیا

" اس لیے تصویر جاناں ہم نے بنوائی نہیں"

اور سب کو حکم دیا کہ اس سے پہلے مصرعہ لگا کر شعر پورا کرو.

اندھے نے کہا:
"اس میں گویائی نہیں اور مجهـ میں بینائی نہیں،
اس لیے تصویر جاناں ہم نے بنوائی نہیں"

فقیر نے کہا:
"مانگتا پیسے مصور جیب میں پائی نہیں،
اس لیے تصویر جاناں ہم نے بنوائی نہیں"

عالم نے کہا:
" بت پرستی دین احمد میں کبھی آئی نہیں،
اس لیے تصویر جاناں ھم نے بنوائی نہیں "

عاشق نے تو کمال کی حد کردی... کہا:
" ایک سے جب دو ہوئے پھر لطف یکتائی نہیں،
اس لیے تصویر جاناں ھم نے بنوائی نہیں"

اب آپ بھی اپنے انداز میں اس شعر کو مکمل کریں

 

کچھ دوستوں نے یہ گرہیں لگا کر بھیجی ہیں

دام گرتے جا رہے ہیں اور قیمت کم بہت
اس لیے تصویر جاناں ہم نے بنوائی نہیں

-----

آج تک ہم سے کوئی گرل فرینڈ بن پائی نہیں
اس لیئے تصویر جاناں ہم نے بنوائی نہیں

-----

نکتہ چیں تو دیکھ کر بس خامیاں گنوائیں گے
اس لئے تصویرِ جاناں ہم نے بنوائی نہیں

 

آج تک نقاب سے باہر کبھی آئی نہیں
اس لیے تصویر جاناں ہم نے بنوائی نہیں

زنیرہ گل

 

یہاں پر ایک چیز میں نے نوٹ کی ہے تصویر جاناں اور تصویرِ جاناں
اصل میں ہے کیا؟

جیسا کہ اس شعر میں ہے

نکتہ چیں تو دیکھ کر بس خامیاں گنوائیں گے
اس لئے تصویرِ جاناں ہم نے بنوائی نہیں

"ر" کے نیچھے زیر لگا کر محبوب کی طرف موڑ دیا ہے

 

اصل لفظ تصویرِ جاناں ہی استعمال ہوا ہے

 

عکس ہے دل پر ضرورت تو کبھی آئی نہیں
اس لیے تصویر جاناں ہم نے بنوائی نہیں

زنیرہ گل

 

عکس کی بجائے نقش کیسا رہے گا؟

 

کر نہیں سکتی جسارت رہ نہ جائے کچھ کمی
اس لیے تصویرِ جاناں ہم نے بنوائی نہیں

زنیرہ گل

 

عمدہ رہےگا

نقش ہے دل پر ضرورت تو کبھی آئی نہیں
اس لیے تصویر جاناں ہم نے بنوائی نہیں

زنیرہ گل

 

واااہ، کیا کہنے۔۔۔۔


میری ایک گزارش باقی خواتین و حضرات سے یہ ہے کہ برائے مہربانی بحر کا خیال رکھیں تاکہ گرہ سے مکمل لطف اندوز ہوا جاسکے۔۔ شکریہ

 

خیال عمدہ ہے لیکن بحر میں ہو تو ہی مزہ کرے گا

 

اک مسلسل قید ہے کوئی رہائی بھی نہیں

 

جب وہ دل میں ہی نہیں تو کیا ضرورت خواہ مخواہ ؟؟؟؟؟؟

 

آج تک پردے سے وہ باہر کبھی آئی نہیں

 

بہت بہت شکریہ

 

آج تک پردے سے وہ باہر کبھی آئی نہیں
اس لیے تصویر جاناں ہم نے بنوائی نہیں

زنیرہ گل

 

رنگ پھیکے پڑ گئے ہیں ان کی شوخی دیکھ کر
اس لیے تصویر ِجاناں ہم نے بنوائی نہیں

زنیرہ گل

 

عکس بنوائیں گے کیا ہم جب مصور ہی نہیں
اس لیے تصویر ِجاناں ہم نے بنوائی نہیں

زنیرہ گل

 

درست فرمایا آپ نے۔۔۔
شاعری میں اکثر ان حالات سے دوچار ہونا پڑتا ہے۔۔۔
لیکن میرے کمنٹ کا ایک اور پہلو بھی ہے ۔۔۔
آپ کے مصرعے میں کچھ ترمیم کرنے کی جسارت کی تھی۔۔۔


جب وہ دل میں ہی نہیں تو کیا ضرورت خواہ مخواہ
اس لیے تصویرِ جاناں ہم نے بنوائی نہیں

میرا مقصد تھا کہ اگر آپ اپنی لگائی گرہ کو ایسے کر لیں تو بحر وزن بھی برابر ہو جائیگا

 

ہے مقیّد میری آنکھوں میں جو عکسِ دائمی
اس لیے تصویرِ جاناں ہم نے بنوائی نہیں

زنیرہ گل

 

آپ کو شکایت ہے
ٹھیک ہے اب ختم

 

وااااہ بہت خوب

تھا مقیّد میری آنکھوں میں وہ عکسِ دائمی
اس لیے تصویرِ جاناں ہم نے بنوائی نہیں

 

ہاہاہاہاہا۔۔۔ ایک کام کریں اس مصرع کو طرح مصرع کر لیں اور اسی زمین میں غزل ہوجائے؟؟ کیا خیال ہے؟

 

آصف صاحب ناراض ہوجائینگے رہنے دیں ہاہاہاہا

 

تھا مقیّد میری آنکھوں میں وہ عکسِ دائمی
اس لیے تصویر ان کی ہم نے بنوائی نہیں
مجھ کو ہر چہرے میں وہ چہرہ نظر آتا ہے اب
گم نہ ہو جائے کہیں اک پلک جھپکائی نہیں
سوختہ نظروں سے ان کی جاذبیت دیکھی تھی
منزلیں طے کی مگر منزل میں نے پائی نہیں
بے نیازی ہم نے جانا ان کی عادت میں بھی ہے
حسرتِ دیدار میں اتنے بھی سودائی نہیں
گل گلستاں چھوڑ کر جائے کہیں تو بے وفا
گل گلستاں میں بکھر جائے تو رسوائی نہیں


زنیرہ گل

 

بھئی وااہ کیا کہنے ۔۔۔ مجھے پتہ تھا "کوئی دیکھے نہ دیکھے شبیر تو دیکھے گا"