کیری کا شربت اجزاء کیری :1 کلو شکر:1 کلو لیموں: 4 عدد کالا نمک: چٹکی بھر پانی 2 لیٹر پودینے کیے پتے:حسب منشاء ترکیب سب سے پہلے کیریاں ایک تام چینی یا اسٹین لیس اسٹیل کی دیگچی میں پانی کے ساتھ اچھی طرح ابال لیں۔ جب کیریاں گل جائیں تو اتار کر ٹھنڈا کرلیں۔ اسی پانی میں کیریوں کا گودا بنا لیں۔ اندر کی گھٹلی نکال دیں پھر بلینڈر میں ڈال کر پیس لیں۔ دوبارہ سے یہ بلینڈ کیا ہوا شربت دیگجی میں ڈالیں ، ساتھ میں شکر ڈال کر ہلکی آنچ پر پکائیں۔ جب شکر گھل جائے تو شربت تیار ہے۔ جب ٹھنڈا ہوجائے تو لیموں کا رس ڈال دیں۔ کالا نمک چھڑک دیں ، بالکل ٹھنڈا ہوجائے تو بوتل میں ڈال کر فریج میں رکھ لیں۔ جب پیش کرنا ہوتو گلاس میں دو کھانے کے چمچ شربت دال کر پانی ڈالیں اور پھر تھوڑا سا برف اور پودینے کے پتے بھی ڈال دیں ۔ اگر آپ کو فریز کرنا ہوتو بجائے بوتل میں برف جمانے کی ٹرے میں ڈال کر فریز کرلیں جب کیوبز بن جائیں تو نکال کر ایک تھیلی میں ڈال کر دوبارہ فریز کرلیں۔ جب پیش کرنا ہوتا وہ کیوبز گلاس میں ڈال کر پانی اور برف ڈال دیں ، پودینے کے پتے کے ڈال کر سجائیں۔ روزنامہ انقلاب