کوچہءِ یار میں اک بار کا مہماں ہونا ۔۔ محمد خالد خان

کوچہءِ یار میں اک بار کا مہماں ہونا​

اس سے بڑھ کر نہیں ہوتا کوئی احساں ہونا

اتنا نادان نہیں دل جو پلٹ آۓ گا
کون چاہے گا کبھی وصل میں ہجراں ہونا

ایک خواہش ہے حیاتی ترے در پر گزرے
مجھ کو منظور ہے سنگِ درِ جاناں ہونا

خوش نصیبی ہے میسر ہے جسے ہر لمحہ
دردِ دل میں جو ملے درد کا درماں ہونا

ان ہواؤں کی مہک عطر کی صورت یارو
ایک اک سانس ہے کچھ زیست کا ساماں ہونا

مجھ کو دہلیز پہ رہنے کی اجازت دےدے
مجھ کو محبوب ہے ہر دم ترا درباں ہونا

حرف سے لفظ بنیں، لفظ ڈھلیں شعروں میں
ہے عطا سے تری ہر بات کا آساں ہونا

بس تخیل ہو ترا قلب و نظر میں پیہم
ورنہ بےکار ہے خالد کا سُخنداں ہونا
----
محمد خالد خان​

 

کوچہءِ یار میں اک بار کا مہماں ہونا
اس سے بڑھ کر نہیں ہوتا کوئی احساں ہونا​

 

اتنا نادان نہیں دل جو پلٹ آۓ گا
کون چاہے گا کبھی وصل میں ہجراں ہونا
​

 

ایک خواہش ہے حیاتی ترے در پر گزرے
مجھ کو منظور ہے سنگِ درِ جاناں ہونا
​

 

خوش نصیبی ہے میسر ہے جسے ہر لمحہ
دردِ دل میں جو ملے درد کا درماں ہونا
​

 

ان ہواؤں کی مہک عطر کی صورت یارو
ایک اک سانس ہے کچھ زیست کا ساماں ہونا
​

 

مجھ کو دہلیز پہ رہنے کی اجازت دےدے
مجھ کو محبوب ہے ہر دم ترا درباں ہونا​

 

حرف سے لفظ بنیں، لفظ ڈھلیں شعروں میں
ہے عطا سے تری ہر بات کا آساں ہونا
​

 

بس تخیل ہو ترا قلب و نظر میں پیہم
ورنہ بےکار ہے خالد کا سُخنداں ہونا
​

 

جزاک اللہ خیراً کثیرا

 

اللہ تعالٰی آپ کو بھی جزائے خیر عطا کرے آمین

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین

​