کون پوچھے گا ؟ مری بات مدینے والے ۔۔ عباس عدیم قریشی

کون پوچھے گا ؟ مری بات مدینے والے
آپ بخشیں جو نہ خیرات مدینے والے

روز ، محشر ہے مجھے شافعِ محشر ، دنیا
اب بدل دیں مری اوقات مدینے والے

شہرِ قسمت کو عطا کردیں تبسّم کی نمود
یاں گذرتی ہی نہیں رات مدینے والے

دشتِ تیرہ میں بھٹکتا ہوا رہرو ہوں شہا
دیدیں " والفجر " کی خیرات مدینے والے

میزبان و شہہِ عالم ترے مہمانوں کی خیر
دائم آباد مدارات مدینے والے

عمر گذری ہے مری ہجرتِ پیہم میں شہا
کوئی مسکن نہ مضافات مدینے والے

انحصار آپ کی رحمت پہ ازل سے ہے مرا
کس سے جا کر کہوں ؟ حالات مدینے والے

میرا سدرہ ہے حضور آپ کی دہلیزِ کرم
ختم ہیں یاں مری وسعات مدینے والے

میری ، آلام زمانہ کئے دیتے ہیں نفی
آپ کردیں مرا اثبات مدینے والے

مجھ کو اس شامتِ اعمال سے دے دیجے پناہ
پیس ڈالیں گے مکافات ، مدینے والے

خامہ روکے نہیں رکتا ، مرے اشکوں کی طرح
اب نہیں قابو میں جذبات مدینے والے

یہ جو کشکول ہنر میں ہیں ثناء کے سکے
مجھ پہ ہیں خاص عنایات مدینے والے

یہ زبوں حال عدیم آپ کے قرباں آقا
اک میسّر ہو ملاقات مدینے والے
------
عباس عدیم قریشی​

 

کون پوچھے گا ؟ مری بات مدینے والے
آپ بخشیں جو نہ خیرات مدینے والے​

 

روز ، محشر ہے مجھے شافعِ محشر ، دنیا
اب بدل دیں مری اوقات مدینے والے
​

 

شہرِ قسمت کو عطا کردیں تبسّم کی نمود
یاں گذرتی ہی نہیں رات مدینے والے
​

 

دشتِ تیرہ میں بھٹکتا ہوا رہرو ہوں شہا
دیدیں " والفجر " کی خیرات مدینے والے
​

 

میزبان و شہہِ عالم ترے مہمانوں کی خیر
دائم آباد مدارات مدینے والے
​

 

عمر گذری ہے مری ہجرتِ پیہم میں شہا
کوئی مسکن نہ مضافات مدینے والے
​

 

انحصار آپ کی رحمت پہ ازل سے ہے مرا
کس سے جا کر کہوں ؟ حالات مدینے والے​

 

میرا سدرہ ہے حضور آپ کی دہلیزِ کرم
ختم ہیں یاں مری وسعات مدینے والے​

 

میری ، آلام زمانہ کئے دیتے ہیں نفی
آپ کردیں مرا اثبات مدینےوالے
​

 

مجھ کو اس شامتِ اعمال سے دے دیجے پناہ
پیس ڈالیں گے مکافات ، مدینے والے
​

 

خامہ روکے نہیں رکتا ، مرے اشکوں کی طرح
اب نہیں قابو میں جذبات مدینے والے
​

 

یہ جو کشکول ہنر میں ہیں ثناء کے سکے
مجھ پہ ہیں خاص عنایات مدینے والے
​

 

سبحان اللہ ۔جزاک اللہ

 

اللہ تعالٰی آپ کو بھی جزائے خیر عطا کرے آمین