کون آئے گا یہاں

کون آئے گا یہاں کوئی نہ آیا ھو گا
میرا دروازہ ھوائوں نے ہلایا ھو گا

دل ناداں نہ ڈھرک اے دل ناداں نہ ڈھرک
کوئی خط لے کے پڑوسی کے گھر آیا ھو گا

اس گلستان کی یہی ریت ہے اے شاخ گل
تو نے جس پھول کو پالا وہی پرایا ھو گا

دل کی قسمت میں ہی لکھا تھا اندھیرا شاید
ورنہ مسجد کا دیا کس نے بجھایا ھو گا

گل سے لپٹی ھوئی تتلی کو گرا کر دیکھو
آندھیوں تپ نے درختوں کو گرایا ھو گا

کھیلنے کے لیے بچے نکل آئے ھوں گے
چاند اب اس کی گلی میں نکل آیا ھو گا

کیف ،پردیس میں مت یاد کرو اپنا مکاں
اب کے بارش نے اسے توڑ گرایا ھو گا