کوئی کیا دے تری قیمت مرےسرکارکی چوکھٹ ۔تاج رضا اورنگ آبادی

کوئی کیا دے تری قیمت مرےسرکارکی چوکھٹ
ہے تو اِتنی بڑی ثروت مرے سرکار کی چوکھٹ

بھروسہ سرورِ کونین کی الفت پہ ہے مجھکو
دِکھاۓ گی یہی الفت مرے سرکار کی چوکھٹ

بلند اتنا کوئی بھی در ہوا ھے اور نہیں ہوگا
لیے ھے جس قدر رِفعت مرے سرکار کی چوکھٹ

طبیبوں سے نہ ہوگا کچھ یہاں ۔۔ لے جائیے طیبہ
دلِ مضطر کی ھے راحت مرے سرکارکی چوکھٹ

جو کعبہ جاکے لوٹ آیا مدینہ کو نہیں پہونچا
تو وہ ہرگز کہے یہ مت مرے سرکار کی چوکھٹ

وہ جنت کیا کہ جنت کی مہک تک بھی نہ پاۓ گا
جسے تجھ سے ہوٸ نفرت مرے سرکار کی چوکھٹ

مرا کہنا یہی ھے تاج دل برداشتہ مت ہو
کہ دے گی تجھکو بھی دعوت مرے سرکار کی چوکھٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
از ✒ تاج رضا اورنگ آبادی ۔۔ کلکتہ ۔۔
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019
​

 

بھروسہ سرورِ کونین کی الفت پہ ہے مجھکو
دِکھاۓ گی یہی الفت مرے سرکار کی چوکھٹ​

 

طبیبوں سے نہ ہوگا کچھ یہاں ۔۔ لے جائیے طیبہ
دلِ مضطر کی ھے راحت مرے سرکارکی چوکھٹ​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​