کوئی دنیا کوئی عقبیٰ مانگے۔۔ حافظ نوراحمد قادری

حمدِباری تعالیٰ
کوئی دنیا کوئی عقبیٰ مانگے
نور تجھ سے ترا جلوہ مانگے

تیری رحمت اسے دریا بخشے
جو تری ذات سے قطرہ مانگے

توہی داتا ہے ہر اک داتا کا
خیر تجھ سے ہی زمانہ مانگے

کر عطا وہ جو تجھے شایاں ہے
بن کے سائل کوئی کیا کیا مانگے

دینے والے مجھے اتنا دے دے
نام لے کر ترا دنیا مانگے

سب کو دیتا ہے تو اسباب حیات
ہو کوئی غیر کہ اپنا مانگے

تیرے محتاج ہیں سب جن و بشر
نورؔ بھی نور کا صدقہ مانگے
------
حافظ نوراحمد قادری
فروغِ نعت ( شمارہ نمبر۔15۔جنوری تا مارچ 2017 صفحہ نمبر-5-)​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین