کلام حق ہے سراہا خدا کی حمد و ثنا ۔ بلال رشید

کلام حق ہے سراہا خدا کی حمد و ثنا
ہے معرفت کا خزینہ خدا کی حمد و ثنا
ازل سے ورد ہواوں کا ہے یہی نغمہ
ہے بادلوں کا ترانہ خدا کی حمد وثنا
ملا ہے حمد کا ادراک مجھ کو دریا سے
ہے جس کی موجوں کا نغمہ خدا کی حمد و ثنا
سنا ہے ہم نے یہی اپنے سب اماموں سے
ہے مغفرت کا خزانہ خدا کی حمد و ثنا
ضرور بعد میں نعت و سلام پیش کرو
ادب سے پہلے سنانا خدا کی حمد وثنا
خطاب کرنے سے پہلے بیان کرتے تھے
ضرور شاہ مدینہ خدا کی حمد وثنا
جناب حضرت آدم تا شاہ بطحا تک
تھا ہر نبی کا وظیفہ خدا کی حمد و ثنا
اسی کا نام ہے تاروں کے لب پہ شام و سحر
ہے مہر و ماہ کا نغمہ خدا کی حمد وثنا
بلال مجھ کو یقیں ہے بروز محشر بھی
بنے گی میرا حوالہ خدا کی حمد وثنا
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین