کلام از واصف حسین

میری ڈائری تو ہنوز ندارد ہے البتہ ایک ورق مل گیا ہے ،،، آزاد نظم ہے دیکھیں آپ کے کیا تاثرات ہیں۔۔۔

میں ایک اندھیری رات میں
برسوں کی مسافت طے کر کے
گھبرا گھبرا کر
کبھی کبھی
جو تجھے پکاروں
تو یہ لوگ جو ہنستے ہیں
پتھر ماریں
دیوانہ کہہ کے پکاریں
لیکن
میں تیرے ملن کی آس میں
پتھر کھاوں
آوازے سنوں
گلیوں میں پھروں
پر تم ہو کہ
اب تک بھی مجھ سے
پوشیدہ ہو

 

شاندار

 

میں‌نے خود کوئی 14 سال بعد پڑھی ہیں‌بیگم نے کیا خاک پڑھی ہوں گی۔

 

واصف بھائی! بہت اچھی نظم ہے۔ آپ کوشش کر کے اپنی ڈائری تلاش کریں، مزید آپ کی شاعری کا شدت سے انتظار رہے گا۔

 

عشاق سب کے سب تھے ہم آواز سرِ محفل
کہ گراں ہیں ہم پہ جاناں تیرے ناز سرِ محفل

ایک میں ہی تھا وہ عاشق جسے تو نہ جان پایا
نہ اٹھا سکے گا کوئی تیرے ناز سرِ محفل

اس زندگی کا کیا ہے میں تو مر کے لوٹ آوں
کبھی دے کے دیکھ مجھ کو تو آواز سرِ محفل

میں چھپا گیا تھا سب سے میرے دل میں‌بات تھی جو
میرے رازداں نے کھولا میرا راز سرِ محفل

تیرا دل ہے ایک پنچھی اس کیا خبر کے ہر سو
ہیں دبوچنے کی دھن میں کئی باز سرِ محفل

واصف یہ تیرے دل اداسی ہے کہ محرومی
تجھے کیوں نہیں ہے بھاتا کوئی ساز سرِ محفل

(واصف حسین)

 

لیا جو نام خدا، نام اور کیا آئے
میری نصرت میں چیز کام اور کیا آئے

میں اپنے مقصد حیات کی تلاش میں‌ہوں
فریب دیکھیے اس راہ میں اور کیا آئے

میں اپنے دل کو برائی سے کس طرح روکوں
سبیل کون سی ہو، کام زور کیا آئے

بھلا دیا ہے محمد کو بھی خدا کو بھی
عذاب تم پہ نہ آئے تو اور کیا آئے

غموں کو میں نے مقید کیا ہے سینے میں
اب اہل قرب کو بھی انکا شور کیا آئے

واصف تیری تخلیق عبادت کے لیے ہے
اب تیرے لیے اذن نیا اور کیا آئے

 

ایک قطعہ جو سوالیہ بیت بازی میں جواب کے طور پر لکھا ہے۔

خرد کہتی ہے جسکو ناممکن
دل کے اندر ہی اسکا ہے مسکن
ہو لگن کاوش و دعا سچی
کیا ہے دنیا میں جو نہیں ممکن؟‌

 

ہم کہاں نعیم بھائی یہ تو آپ کی تعریف ہے جس سے پھولے نہ سما کر کچھ نہ کچھ غلط سلط لکھ دیتا ہوں۔

 

واہ! واصف بھائی! آپ بھی خوب رنگ جمائے ہُوئے ہیں،

کافی دنوں ‌بعد آیا ہوں بہت کچھ نیا پڑھنے کو مل رہا ہے۔

 

عاطف بھائی
اچھے بچے بنو اور خاموشی اختیار کرو ورنہ تمھارے اوپر بھی ایک غزل داغ دوں گا۔۔۔۔

فی الحال ان مصرعوں سے بات سمجھنے کی کوشش کرو

1۔ ہوئے تم دوست جس کے دشمن اسکا آسماں کیوں ہو
2۔ اپنے ہی گراتے ہیں نشیمن پہ بجلیاں


:a155:

 

عاطف بھائی ایک فارسی ضرب المثل آپ کے لیے

سگ باشد نہ شد برادرِ خورد

معنی خود سی سمجھ لو ۔۔۔۔۔ :lol:

 

نوازش

 

آپ سب کی فرمائش سر آنکھوں پر مگر آجکل مصروفیت کچھ زیادہ ہے۔