کفر بھی کانپ اٹھے ہے ، وہ جہاں ہوتا ہے ۔۔ انعام الحق معصوم صابری

کفر بھی کانپ اٹھے ہے ، وہ جہاں ہوتا ہے
عدل کی دنیا میں فاروق عیاں ہوتا ہے

خواہش آقا ﷺ پہ لاتا ہے وہ ایماں لوگو
"جس کے پیغام سے دریا بھی رواں ہوتا ہے"

ساتھ پہلو میں نبی پاک ﷺ کے آرام فرما
نام سنتے ہی مخالف تو دھواں ہوتا ہے

نام جب لب پہ عمر کا مرے آئے تو
دل میں انصاف کا دریا سا رواں ہوتا یے

نام سنتے ہی کہیں دور ہے بھاگے ان سے
ذکر فاروق تو شیطاں پہ گراں ہوتا ہے

خواب میں لفظ اذاں جن کو عطا ہوں اس کا
مرتبہ ہم سے بھلا کیسے بیاں ہوتا ہے

خوش نصیبی ہے یہ معصوم بھری دنیا میں
نسل فاروق مرا نام و نشاں ہوتا ہے
-----
انعام الحق معصوم صابری​

 

سبحان اللہ جزاک اللہ