کس کا جمال ناز ہے جلوہ نما یہ سو بسو

کس کا جمال ناز ہے جلوہ نما یہ سو بسو
گوشہ بگوشہ دربدر قریہ بہ قریہ کو بہ کو
اشک فشاں ہے کس لئے دیدہ منتظر میرا
دجلہ بہ دجلہ یم بہ یم چشمہ بہ چشمہ جو بجو
میری نگاہ شوق میں حسن ازل ہے بے حجاب
غنچہ بہ غنچہ گل بہ گل لالہ بہ لالہ بو بہ بو
جلوہ عارض نبی رشک جمال یوسفی
سینہ بہ سینہ سر بہ سر چہرہ بہ چہرہ ہو بہ ہو
زلف دراز مصطفی گیسوئے لیل حق نما
طرہ بہ طرہ خم بہ خم حلقہ بہ حلقہ مو بہ مو
یہ میرا اضطراب شوق رشک جنون قیس ہے
جذبہ بہ جذبہ دل بہ دل شیوہ بہ شیوہ خو بہ خو
تیرا تصور جمال میرا شریک حال ہے
نالہ بہ نالہ غم بہ غم نعرہ بہ نعرہ ہو بہ ہو
بزم جہاں میں یاد ہے آج بھی ہر طرف تیری
قصہ بہ قصہ لب بہ لب خطبہ بہ خطبہ رو بہ رو
کاش ہو ان کا سامنا عین حریم ناز میں
چہرہ بہ چہرہ رخ بہ رخ دیدہ بہ دیدہ دو بہ دو
عالم شوق میں رئیس کس کی مجھے تلاش ہے
خطہ بہ خطہ راہ بہ راہ جادہ بہ جادہ سو بہ سو

رئیس امروہی

 

جواب: کس کا جمال ناز ہے جلوہ نما یہ سو بسو

جزاک اللہ شعیب جی بہت عمدہ

 

جواب: کس کا جمال ناز ہے جلوہ نما یہ سو بسو

شعیب بھائی بہت ہی خوبصورت :mashallah: جزاک اللہ خیر

 

جواب: کس کا جمال ناز ہے جلوہ نما یہ سو بسو

حوصلہ افزائی کا شکریہ

 

جواب: کس کا جمال ناز ہے جلوہ نما یہ سو بسو

بہت لا جوااب

 

جواب: کس کا جمال ناز ہے جلوہ نما یہ سو بسو

شعیب بھائی بہت ہی خوبصورت نعت ہے

 

جواب: کس کا جمال ناز ہے جلوہ نما یہ سو بسو

محمد شعیب خٹک صاحب۔اچھی نعت شیئر کی۔بہت شکریہ،،،

 

جواب: کس کا جمال ناز ہے جلوہ نما یہ سو بسو

شعیب بھائ بہت عمدہ

 

پسند کرنے کا شکریہ