کس قدر ہے اوج پر لوگو مقام اہل بیت ۔ بلال رشید

کس قدر ہے اوج پر لوگو مقام اہل بیت
ہے کلام اللہ کا پرتو کلام اہل بیت
ہر کسی سے پوچھتے ہو کیوں بڑے گھر کا وقار
پوچھیے عمار و جابر سے مقام اہل بیت ع
آسمان عظمت و تقدیس پر لکھا ہوا
ایک نام مصطفی ہے ایک نام اہل بیت
ہے قریں اب قائم آل محمد کا ظہور
ظالموں وہ لینگے تم سے انتقام اہل بیت
فخر سے فاروق اعظم بھی کہا کرتے سدا
یا الہی میں بھی ہوں ادنی غلام اہل بیت
ناصبی ہے کونسا مشرب تیرا ہم کو بتا
اہل سنت کے تو ہاں چلتا ہے جام اہل بیت
کس طرح بھولے وہ عظمت اس گھرانے کی بلال
جن کو آبا سے ملا ہو احترام اہل بیت
-------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین