اللہ کے نام سے شروع جو بڑا مہربان نہایت رحم والا ہے اسلام علیکم ۔ کستوری خوشبودار مادے کی ایک قسم ہے جو عطریات بنانے میں عام طور پر مرکزی حیثیت رکھتا ہے ۔اس میں شامل ہے جانوروں کا غدودی مادہ جیسے کہ کستوری مرگ۔متعدد پودوں سے اسی طرح کی خوشبو نکلتی ہے۔اور مصنوعی مادے سے بھی اسی طرح کی خوشبو نکلتی ہے ۔اصل کستوری نر کستوری ہرن کے غدود سے نکلنے والے تیز خوشبودار مادے کو کہا جاتا ہے ۔یہ مادہ قدیم دور سے ایک مقبول خوشبو کے طور پر پر استعمال کیا جاتا ہے اور دنیا میں سب سے زیادہ مہنگی جانوروں کی مصنوعات میں سے ایک ہے۔ کستوری ہرن Moschidae خاندان سے تعلق رکھتا ہےاور نپیال، بھارت، پاکستان، تبت، چین، سائبیریا اور منگولیا میں رہتا ہے۔کستوری حاصل کرنے کے لئے اسے مارنا پڑتا ہے ۔اور غدور جو کہ کستوری تھیلی کہلاتی ہے اسے فورا اس کے جسم سے الگ کرنی پڑتی ہے ۔ کستوری تھیلی سےسرخی مائل بھورے رنگ کا کریمی مادہ نکلتا ہے جو سوکھ کر کالے دانوں میں تبدیل ہو جاتا ہے جنہیں کستوری دانے کہا جاتا ہے ۔پھر اسے مختلف عرقوں میں ملا کر بہترین عطر تیار کیے جاتے ہیں ۔(آیور ویدک) یا حکمت میں کستوری سے بہت سے نسخےبھی تیار کیے جاتے ہیں ۔جو مختلف بیماریوں کے علاج کے لئے استعمال کیے جاتے ہیں ۔ ---------------------------------------------------------------------- سائیبریا کی کستوری مادہ ہرن
واہ بہت زبردست معلومات ہیں۔ کستوری کے متعلق اتنی اچھی معلومات پہلی دفعہ پڑھنے اور دیکھنے کو ملیں۔ لیکن کتنی دکھ بھری بات ہے کہ انسا ن کستوری کے لیے کتنے ہرنوں کو مار دیتا ہے۔ ویسے واقعی اصلی کستوری بہت مہنگی ملتی ہے ۔ ایک بار کسی نے بتایا تھا 5،000 روپے فی تولہ تک ریٹ ہے اس کا۔
بہت شکریہ بلال بھائی چین اور جاپان میں کستوری ہرن کے فارم ہیں اور ان لوگوں نے کوئی جدید طریقہ نکالا ہے کستوری حاصل کرنے کا ،جس سے ہرن کو مارنا نہیں پڑتا اور ایک ہی ہرن سے ہر سال کستوری حاصل کی جاتی ہے
