کربل میں جگرگوشوں کی بستی بسائے گا ۔۔۔ ہدیہ عقیدت بحضور شہداءِ کربلا

کربل میں جگر گوشوں کی بستی بسائے گا
زاہرا ! حسین اب تیرا واپس نہ آئے گا

حیدر کا خون ہے یہ زاہرا کی جان ہے
دنیا کو اپنی ذات کی عظمت دکھائےگا

جس دوش کی سواری ہےکرتا رہا حسین
بار اُسکےدیں کا دوش پہ اپنےاٹھائےگا

نانا حضورنےکبھی بوسےلیے جہاں
گردن وہی کٹا کے یہ قرآں سنائےگا

مہکےہےجسم بوئےجناں سے حسین کا
سارے جہاں کو یہی خوشبو لٹائےگا

چوما ہے مصطفیٰ نے جسے پھول جان کر
یہ پھول اپنے خون سے گلشن سجائے گا

اکبر کی لاش نے جسے بوڑھا سا کردیا
تیروں سے کیسے شہ رگِ اصغر بچائےگا

عباس تیرے جسمِ لہو تر کو ہے سلام
کوئی زمانے میں نہ وفا یوں نبھائے گا

غازی کے بازو کٹ گئے، مشکیزہ گر گیا
پانی سکینہ کون تجھے اب پلائے گا

لاشوں کا ڈھیر اک طرف خیمے جلے ہوئے
زینب کا گریہ آج عرش کو رُلائے گا

لاکھوں شہید، لاکھوں مجاہد جہان میں
میرے حسین سا رضا اب کون آئے گا

ہدیہ کلام : نعیم رضا قادری ۔

 

شکریہ محترم پاکستانی بھائی۔ جزاک اللہ خیر

 

بیشک
سبحان اللہ

 

شکریہ محترم عثمان آسی بھائی۔ جزاک اللہ خیر